Խոշոր ընկերություններում աշխատանքի ընդունելիս հարցազրույց անցնողներին հաճախ տալիս են հարցերի ստանդարտ ցուցակ, բայց որոշ ընկերություններ ավելի կրեատիվ մոտեցում են ցուցաբերում՝ առաջարկելով հարցազրույց անցնողներին տրամաբանական խնդիրներ լուծել։ Նպատակները տարբեր կարող են լինել՝ թեկնածուի ինտելեկտուալ զարգացվածության մակարդակը ստուգելուց մինչև ոչ ստանդարտ իրավիճակներում նրա արձագանքին հետևելը, բայց համաձայնեք, շատ օգտակար ու օրիգինալ լուծում է։ Ձեզ ենք ներկայացնում այդպիսի տրամաբանական խնդիրներ։
1․ Մի մարդ ապրում է 17-րդ հարկում։ Իր հարկ նա վերելակով կարողանում է բարձրանալ միայն անձրևոտ օրերին, կամ էլ երբ հարևաններից մարդ կա իր հետ, իսկ մնացած դեպքերում նա մինչև 9-րդ հարկ է գնում ու այնտեղից ոտքով է բարձրանում իր հարկ։ Ինչո՞ւ։
2․ Եթե գիշերվա 12։00-ին անձրև է գալիս, ապա կարելի՞ է արդյոք ակնկալել, որ 72 ժամ հետո արևոտ եղանակ կլինի։
3․ Մատիտը դրեցին գետնին ու խնդրեցին մի քանի մարդու ցատկել դրա վրայով, սակայն ոչ ոք չկարողացավ դա անել։ Ինչո՞ւ։
4․ Ինչպե՞ս է պետք նետել թենիսի գնդակը, որ այն հետ գա Ձեզ մոտ։
5․ Նա հանդիպեց նրան Միջին Ասիայի անապատներում։ Մի քանի տարի անց նա տվեց նրան իր ազգանունը, բայց նրանք երբեք միասին չապրեցին։ Ովքե՞ր են նրանք։
6․ Աղջիկը նստած է, իսկ տղան չի կարող զբաղեցնել նրա նստած տեղը, անգամ եթե աղջիկը վեր կենա ու գնա։ Որտե՞ղ է նստած աղջիկը։
7․ Տղամարդը գիշերն անհանգիստ պտտվում է անկողնու մեջ ու ոչ մի կերպ չի կարողանում քնել։ Հետո նա վերցնում է հեռախոսն ու զանգում ինչ-որ տեղ։ Մի քանի ազդանշան լսելուց հետո նա դնում է հեռախոսն ու հանգիստ քնում։ Ինչո՞ւ նա չէր կարողանում քնել մինչև այդ, և ի՞նչ կապ ունի հեռախոոսազանգը։
8․ Հյուրանոցն ունի 7 հարկ։ Առաջին հարկում ապրում է 4 մարդ, իսկ յուրաքանչյուր մյուս հարկում՝ 2-ով ավել, քան նախորդ հարկում։ Ո՞ր հարկում են ամենահաճախը վերելակ կանչում։
9․ «Nike» ընկերությունն Աֆրիկայում մի խնդրի բախվեց։ Աշխատակիցները սպորտային կոշիկների մասսայական գողություններ էին անում արտադրության փուլում։ Ի՞նչ արեց ընկերությունը, որպեսզի գողությունների քանակը հավասարվի 0-ի՝ ոչ մի ցենտ չծախսելով անվտանգության ու վերահսկողության ծառայությունն ավելի մեծացնելու համար։
10․ Ո՞ր դեպքում ենք մենք, նայելով 2 թվին, ասում 10։
11․ Ջորջ Վաշինգթոն, Շերլոք Հոլմս, Ուիլիամ Շեքսպիր, Լյուդվիգ Վան Բեթհովեն, Նապոլեոն Բոնապարտ և Ներոն։ Այս ցուցակում ո՞վ է սկզբունքորեն տարբերվում մյուսներից և ինչո՞ւ։
12․ Մանկական մի հիվանդանոցում փոքրիկ հիվանդները շատ էին սիրում խաղալ գեղեցիկ փափուկ խաղալիք արջուկներով, որոնց նրանք այնքան էին հավանում, որ հաճախ իրենց հետ տուն էին տանում։ Ի՞նչ արեց հիվանդանոցի ղեկավարությունը, որպեսզի համ արջուկ խաղալիքները հիվանդանոցում մնան, համ էլ փոքրիկները շատ չտխրեն։
13․ Կինեմատոգրաֆիայի ծագման տարիներին կինոթատրոններից մեկը սկսեց կորուստներ կրել, որովհետև մարդիկ դժգոհում էին, որ սեանսների ժամանակ կանայք չէին հանում իրենց գլխարկները և փակում էին տեսադաշտը դրանցով։ Ի՞նչ քայլի դիմեց կինոթատրոնի ղեկավարությունը, որը, գրեթե ոչ մի ֆինանսական ծախս չենթադրելով, լրիվ լուծեց այս խնդիրը։
14․ Գրապահարանում գիտնականը պահում է երկու գիրք։ Առաջին գրքում կա 230 էջ, իսկ երկրորդում՝ 325։ Քանի՞ էջ կա առաջին գրքի առաջին էջի ու երկրորդ գրքի վերջին էջի միջև։
Պատասխանները․
1․ Այդ մարդը շատ կարճահասակ է ու 17-րդ հարկի կոճակը կարող է սեղմել միայն անձրևանոցով, կամ էլ ուրիշին պետք է խնդրի անել դա։
2․ Ոչ, որովհետև 72 ժամ հետո էլի կեսգիշեր է լինելու, հետևաբար՝ չի կարող արևոտ եղանակ լինել։
3․ Մատիտը դրել էին պատի մոտ։
4․ Այն պետք է վերև նետել։
5․ Խոսքը Պրժևալսկու և Պրժևալսկու ձիու մասին է։
6․ Աղջիկը նստած է տղայի ծնկներին։
7․ Պատի այն կողմում բարձր խռմփացնում էր հարևանը, ով արթնացավ հարևանի զանգից։
8․ Առաջինում։
9․ Ընկերությունը ևս մի գործարան կառուցեց և սկսեց մի գործարանում միայն աջ ոտքի կոշիկներ արտադրել, իսկ մյուսում՝ միայն ձախ ոտքի։
10․Երբ սլաքներով ժամացույցին նայելով՝ ժամն ենք ասում։
11․ Շերլոք Հոլմսը, որովհետև նա մտացածին կերպար է։
12․Բոլոր արջուկներին վիրակապներ արեցին ու փոքրիկներին ասում էին, որ արջուկները պետք է մնան հիվանդանոցում, որպեսզի իրենց բուժեն։
13․ Կինոթատրոնի մուտքին փակցրեցին հետևյալ հայտարարությունը․ «Կինոսեանսի ժամանակ կանանց արգելվում է գլխարկներ կրել։ Այս արգելքը չի վերաբերում տարեց տիկիններին»։
14․ Այս երկու գրքերի էջերի արանքում միայն գրքերի կազմերն են։
