Վրաստանի վարչապետ Իրակլի Ղարիբաշվիլին երկուշաբթի օրը երկօրյա պաշտոնական այցով կմեկնի Էստոնիա, որտեղ այդ երկրի ղեկավարության հետ կքննարկի տնտեսության, քաղաքականության և պաշտպանության ոլորտներում երկու երկրների համագործակցությանն առնչվող հարցեր: Այս մասին հաղորդում է RIA Novosti-ն՝ վկայակոչելով Էստոնիայի կառավարության մամլո ծառայությանը:
Տալլինում Ղարիբաշվիլին կհանդիպի Էստոնիայի նախագահ Թոմաս Հենդրիք Իլվեսի, խորհրդարանի խոսնակ Էյքի Նեստորի, վարչապետ Թավի Ռիհվասի և ԱԳՆ ղեկավար Մարինա Կալյուրանդի հետ: Այցի հիմնական թեմաները կդառնան տնտեսությունը, անվտանգությունն ու երկկողմ համագործակցության զարգացումը: Կքննարկվեն էստոնա-վրացական հարաբերությունները՝ ներառյալ առևտրի և գյողատնտեսության ոլորտներում համագործակցությունը, ինչպես նաև ԵՄ-ի և ՆԱՏՕ-ի խնդիրները և տարածաշրջանային անվտանգության հետ կապված հարցեր:
Երկու երկրների վարչապետների կողմից ծրագրվում է ստորագրել ներդրումների համար բարենպաստ պայմանների ստեղծման և Էստոնիայի ու Վրաստանի միջև ներդրումների պաշտպանության մասին պայմանագրում փոփոխությունների վերաբերյալ արձանագրություն: