Tert.am-ը գրում է.

Լեռնային Լիբանանի մարզի դատարանի նախագահ Դանի Շարաբիան թույլատրել է սաուդյան արքայազնի կալանքը, որը ձերբակալվել է Բեյրութի միջազգային օդանավակայանում թմրանյութեր տեղափոխելու փորձի համար, գրում է ТАСС-ը՝ արաբական լրատվամիջոցների հղումով։

Ձերբակալված արքայազն Աբդել Մոհսեն բեն Վալդի բեն Աբդել Ազիզը սաուդյան Հայիլ շրջանի ղեկավարի որդին է:

Ստուգման ընթացքում նրա մոտ հայտնաբերվել և առգրավվել է 40 փաթեթ՝ ընդհանուր 2 տոննա քաշով: Թմրանյութի տեսակը, սակայն, չի նշվում:

Արքայազնը պատրաստվում էր Բեյրութից մասնավոր ինքնաթիռով Սաուդյան Արաբիա թռչել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել