Իսրայելում փոթորիկը տներ է ավերում և շրջում վերամբարձ կռունկներ։ Արդեն տեղեկություններ են ստացվել տարերային աղետի առաջին զոհերի մասին, հայտնում է Segodnya-ն։
Հզոր փոթորիկն իր գերակայության տակ կպահի Մերձավոր Արևելքը ամբողջ շաբաթվա ընթացքում։ Ուժգին քամին մի քանի տների դռներ է պոկել։ Նեթանիա և Թել Ավիվ քաղաքներում շինարարական կռունկներն ընկել են ուղիղ ճանապարհների վրա։ Շինարարներից մեկը մահացել է՝ քամու ուժգնությունից պատի փլուզման հետևանքով։ Հեղեղումների պատճառով փակ են մի շարք ավտոճանապարհներ։
Էլ ավելի վատ վիճակում է Եգիպտոսի հյուսիսը։ Ալեքսանդրիայում արդեն 8 մարդ զոհվել է այդ ցիկլոնի հետևանքով: Բազմաթիվ տներ են ավերվել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
