Tert.am-ը գրում է.

Մարսելի Սուրբ Վիկտոր Աբբայությունում հոկտեմբերի 22-ին տեղի է ունեցել աշխարհահռչակ դաշնակահար Տիգրան Համասյանի և Երևանի ազգային երգչախմբի համատեղ համերգը՝ նվիրված Հայոց ցեղասպանության 100-րդ տարելիցին:

Այս մասին տեղեկացնում է ՀՀ ԱԳՆ մամուլի, տեղեկատվության և հասարակայնության հետ կապերի վարչությունը։

Համերգի ընթացքում, որը կազմակերպվել էր 100 համերգ-100 եկեղեցիներում «Լույս ի Լուսո» ծրագրի շրջանակներում, երգչախմբի ուղեկցությամբ հնչել է հայկական հոգևոր երաժշտությունը` Տիգրան Համասյանի ջազային մշակումներով:

Համերգին ներկա է եղել 600-ից ավելի հանդիսատես` հասարակական, մշակութային գործիչներ, հայ և ֆրանսիացի երաժշտասերներ, լրատվամիջոցների ներկայացուցիչներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել