Wnews.am-ը գրում է.
Նա ոչ միայն հանեց փարանջան, այլև զբաղվեց քաղաքականությամբ: Շեյխա Մոզա Բինթ Նասեր ալ-Միսնեդը Քաթարի 3-րդ էմիր շեյխ Համադ բեն Խալիֆա-ալ-Թանիի երեք կանանցից 2-րդն է, 7 երեխաների մայր է, մոլորակի ամենանորաձև առաջին տիկնանցից է և որքան էլ զարմանալի հնչի, հասարակական և քաղաքական գործիչ է:
Նրա կյանքի պատմությունը հեքիաթ է հիշեցնում: 18 տարեկանում Մոզան ծանոթանում է ապագա թագաժառանգի հետ, սակայն չի շտապում ամուսնանալ նրա հետ: Մոզան նախ ընդունվում է Քաթարի համալսարանի հոգեբանության ֆակուլտետ, այնուհետև վերապատրաստվում հեղինակավոր ամերիկյան համալսարաններում և միայն հետո ամուսնանում: 
.jpg/1245px-5th_Global_Forum_Vienna_2013_(8512954534).jpg)
Շեյխա Մոզան մի շարք պետական և միջազգային պաշտոններ է զբաղեցնում, որոնց թվում ` Քաթարի կրթության, գիտության և հասարակական զարգացման հիմնադրամի ղեկավար, Ընտանեկան հարցերով գերագույն դատարանի նախագահ, Կրթության գծով գերագույն խորհրդի փոխնախագահ, ՅՈՒՆԵՍԿՕ-ի հատուկ դեսպանորդ: Մոզան հիմնել է Արբական ժողովրդական հիմնադրամը, որի համար առաջին ներդրումը 10 միլիոն դոլարի չափով կատարեց նրա ամուսինը, որը նպատակ ուներ նպաստել ազատ ԶԼՄ-ների և քաղաքացիական հասարակության զարգացմանը: 
Մոզան 54 տարեկան է և հիասքանչ տեսք ունի: ԶԼՄ-ներում տարածված տեղեկությունների համաձայն` կատարած 12 պլաստիկ վիրահատությունների համար նա 2 միլիոն դոլար է ծախսել: Տարածված կարծիք կա, որ շեյխային ճանաչող բոլոր մարդիկ ուղղակի հիացած են նրա աշխատասիրությամբ, նպատակադրվածությամբ` ընդգծելով վերջինիս հաստատակամությունը, հեղինակությունը և կանացիությունը: “Forbes” ամսագրի վարկանիշով նա ընդգրկվել է աշխարհի 100 ամենաազդեցիկ կանանց ցուցակում: Քաթարում և ողջ արաբական աշխարհում , որտեղ կանայք սև երկար հագուստներ են կրում (աբայա) և նիքաբներ, Մոզան միայն չալմա է կրում, իսկ ազատ ժամանակ կարող է անգամ ջինսե տաբատ կրել:
Ամբողջական հոդվածը կարող եք կարդալ այստեղ
