Բաղադրիչներ
- Խմորի համար՝
- կաթ - 250մլ
- ձու - 2 հատ
- շաքարավազ - 100գր
- կարագ - 100գր
- ալյուր - 600գր
- վանիլին - 2գր
- փխրեցուցիչ - 2թ/գդ
- աղ - 1թ/գդ
- Միջուկի համար՝
- ձու - 1 հատ
- կաթնաշոռ - 500գր
- շաքարավազ - 100գր
- չամիչ - 100գր
- վանիլին - 2գր
Պատրաստման եղանակ
- Թրջում ենք չամիչը:
Տաքացնում ենք կաթը, ավելացնում փխրեցուցիչը, շաքարավազի և ալյուրի կեսը, խառնում ենք և թողնում՝ հանգստանա տաք վայրում 15 րոպե:
- Առանձին ամանի մեջ հալեցնում ենք կարագը, ավելացնում ձուն, շաքարավազի մյուս կեսը, վանիլինը, աղը, կաթային զանգվածը, ալյուրի մնացած մասը, խառնում ենք և հունցում խմոր, ապա թողնում ենք, որ խմորը հանգստանա 1 ժամ տաք վայրում:
- Միջուկի համար խառնում ենք կաթնաշոռը, չամիչը, վանիլինն ու ձուն:
- Խմորը բաժանում ենք 24 գնդի, յուաքանչյուր գունդ բացում ենք փոքրիկ լոշիկի տեսքով, վրան անում 3 կտրվածք այնպես, որ լոշիկը բաժանվի 3 ոչ հավասար մասերի:
- Լոշիկի մեջտեղում դնում ենք մեկ գդալ միջուկ, կտրված մասերից ամենափոքրը փաթաթում ենք միջուկի շուրջը և լավ ամրացնում ծայրը: Ապա կատարում ենք նույն բանը միջին մեծության մասի հետ: Վերջում փաթաթում ենք ամենամեծ մասը:
- Պատրաստի վարդերը դնում ենք տապակի վրա, երեսին քսում հարած ձու և թխում ջեռոցում 15-20 րոպե 180 աստիճանում:
- Եվ մեր կաթնաշոռով համեղ բուլկի «Վարդերը» պատրաստ են:
Մատուցելիս կաթնաշոռով բուլկի «Վարդեր»-ի վրա շաղ տվեք շաքարի փոշի և վայելեք այս բուլկիները մեկ բաժակ սուրճ լատեի հետ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
