Օրգանիզմը տոնուսի բերելու, նիհարելու, մկանային զանգվածն ավելացնելու, կամ էլ պարզապես էներգիա ու լավ տրամադրություն ստանալու համար մարդիկ այցելում են մարզասրահներ, սակայն շատերը կայտառության ու նոր կենսական ուժերի փոխարեն ստանում են հիասթափություն՝ չստանալով բաղձալի ակնկալիքները: Խնդրիը նրանում է, որ տարատեսակ «10 խորհուրդներ՝ նիհարելու համար» տիպի հարյուրավոր հոդվածներում հաճախ ներառվում են վիճայհարույց թեզեր, իսկ երբեմն էլ՝ ակնհայտ հիմաորություններ: Ձեզ ենք ներկայացնում 11 այդպիսի տարածված միֆ, որոնք լայն շրջանառություն ունեն՝ ավելորդ քաշի դեմ սպրոտի միջոցով պայքարել ցանկացող մարդկանց շրջանակում:
1. Մարզումներն ամենակարևոր բանն են, եթե ուզում եք արագ քաշ կորցնել
Հետազոտությունների մեծ մասը ցույց է տալիս, որ սկզբնական փուլում, երբ կարճ ժամանակում հարկավոր է գրանցել շոշափելի արդյունք, շատ ավելի կարևոր է ճիշտ սննդակարգը: Իսկ հետագայում նոր միայն առաջնային դեր է ստանում սպորտը, որը թույլ է պահպանել քաշի ցանկալի մակարդակը:
2. Ուժային վարժությունները ճարպերը մկանների են վերածում
Եթե ամեն ինչ այդքան հեշտ լիներ, էլ ի՞նչ դարդ կունենայինք: Իրականում ճարպերը ոչ մի բանի էլ չեն վերածվում, իսկ այ ծանրաձողով վարժվելը կարող է ավելացնել մկանային զանգվածը ցանկացած հաստության ճարպային շերտի տակ:
3. Մարզումների ու վազքի համար լավագույն ժամանակն առավոտն է
Սա արդեն մաքուր իրականություն է: Թեև ցերեկային ու երեկոյան մարզումները չեն զիջում օգտավետության առումով, սակայն առավոտյան մարզումների առավելությունը կայանում է նրանում, որ դրանք մեզ մնացած օրվան բավականացնող էներգիայով են լիցքավորում: Կարգավորեք ձեր կենսաբանական ժամացույցը բնական ռեժիմին համահունչ ու կտեսնեք, որ շուտով էապես կբարելավվի ձեր նյութափոխանակությունը:
4. Ծանր աթլետիկան կանանց մկանոտ կուլտուրիստների վերածում
Այս միֆին հավատում է մարդկանց մեծամասնությունը: Նրանք հավանաբար տեղյակ չեն, որ մկանային զանգվածի ծավալները կախված են կնոջ օրգանիզմում առկա տեստաստերոն հորմոնի քանակից, որը շատ ավելի շատ է տղամարդկանց օրգանիզմում, իսկ այն ավելացնում են հատուկ սննդակարգերի ու հորմոնալ միջոցների օգնությանը դիմելով: Այնպես որ, այն կանայք, ովքեր չեն պատրաստվում Օլիմպիադայի, կամ էլ բոդիբիլդինգի մրցումների, կարող են առանց վախենալու մոտենալ ծանրաձողին:
5. Վազքուղին նպաստում է ճարպի մակարդակի կտրուկ նվազմանը
Կես կիլոգրամով նիհարելու համար, դուք պետք է 3500 կալորիա այրեք: Պատկերացնո՞ւմ եք, թե որքան է դա: Դա շատ ավելի շատ է, քան հասուն մարդը կարող է կլանել մեկ ամբողջ օրվա ընթացքում: Ի դեպ, վազքուղու վրա միջին տղամարդը 20 րոպե սովորական վազքով վազելիս, այրում է միայն 330 կալորիա, հետևաբար՝ 3500 կալորիա այրելու համար, նա պետք է 6 ժամ վազի:
6. Ինքնավերահսկողության լավագույն ձևը՝ ամբողջ կերածդ գրի առնելն է
Դա այդքան էլ այդպես չէ: Անգամ եթե մենք ամենայն անկեղծությամբ փորձում ենք վերահսկել մեզ, մեր կարծիքը չի կարող օբյեկտիվ լինել: Բացարձակապես բոլոր մարդիկ հակված են գերագնահատել իրենց ֆիզիկական ակտիվությունն ու թերագնահատել կերածի քանակը: Այսինքն՝ մեզ ամենայն անկեղծությամբ թվում է, որ մենք տքնաջան մարզվել ենք, իսկ կերել ենք շա՜տ քիչ, մինչդեռ իրականում ճիշտ հակառակն է:
7. Նիհարելու համար պետք է դիետա պահել
Սա ևս այդքան էլ չի համապատասխանում իրականությանը: Աշխարհի բոլոր մոդայիկ դիետաներին միավորում է մեկ ընդհանուր թերություն. դրանք ժամանակավոր են: Որպեսզի մեկընդմիշտ ազատվեք ավելորդ քաշից, պետք է հասկանաք Ձեր համար իդեալական հանդիսացող սնվելու ռեժիմը ու պահպանեք այն ողջ կյանքի ընթացքում:
8. Մարաթոնն ավելի օգտակար է, քան կարճ տարածությունների վրա վազելը
Սա միֆ է: Արագ ու ակտիվ վազքի 5-10 րոպեն նույնքան դրական ազդեցություն են ունենում մեր օրգանիզմի վրա, ինչ բազմաժամյա մարաթոնները: Վերջին տարիների հետազոտությունները ցույց են տալիս, որ կարճ տարածությունների վրա արագ վազքը ոչ մի բանով չզիջելով երկար վազքին, շատ ավելի քիչ ժամանակ է խլում մեզանից:
9. Շաբաթական 1-2 անգամ մարզվելը բավական է՝ լավ մարզավիճակում մնալու համար
Սա հերթական միֆն է: Եթե անգամ դուք լավ մարզավիճակում եք, մարզումների համար տրամադրված 2 օրը օրը շատ քիչ է: Իդեալում, պետք է առնվազն շաբաթական երեք անգամ մարզվել, ընդ որում՝ տարբեր վարժությունների կոմպլեքս ենթադրող ծրագրով: Ու սա այն պարագայում, եթե դուք ամենօրյա ակտիվություն եք պահպանում ու նստակյաց աշխատանքով չեք զբաղվում:
10. Ամեն մարզումից հետո պետք է ամրագրել հաջողությունը՝ «սպորտային ըմպելիքով»
Սա միֆ է: Օրինակ՝ աշխարհի ամենապոպուլյար ըմպելիքներից Gatorade-ը, որը երբեմն անվանում են «հեղուկ ուժ», իր բաղադրության մեջ պարունակում է ջուր ու շաքար, ընդ որում, շաքարը շատ ավելի շատ է ու որպես հետևանք՝ նաև կալորիականությունը: Դիետոլոգները խորհորդ են տալիս սովորական ջուր խմել, իսկ մկանների վերականգնման համար՝ 20 գրամ սպիտակուց: Ու հիշեք, որ պրոտեինի բնական աղբյուրները (ձու, ձուկ, թռչնամիս, միս) շատ ավելի նախապատվելի են, քան պրոտեինային հավելումները:
11. Մարզումները դադարեցնելուց մի երկու շաբաթ հետո, դուք կկորցնեք մարզավիճակը
Ճիշտ է, ու ասեմ ավելին՝ դա կլինի նույնիսկ ավելի շուտ: Առանց մշտական մարզումների, ձեր ամբողջ հիանալի ու այդքան մեծ ջանքերով ձեռք բերված ռելիեֆային մկանները կկորչեն մի քանի օրում:
