Անառակ կինը, գյուղապետն ու Բուդդան

Բուդդան եղավ գյուղում, որտեղ մի կին ամենայն ուշադրությամբ վերջինիս խոսքերը լսելուց հետո նրան իր տուն հրավիրեց:

Բուդդան հրավերն ընդունեց, իսկ երբ պատրաստվում էր կնոջ տուն գնալ, սարսափահար գյուղապետը նրան մոտենալով ասաց. «Կինը, որի տուն պատրաստվում եք գնալ, անառակ է, նրա մոտ մի՛ գնացեք»:

Բուդդան դիմելով գյուղապետին ասաց. «Ձեռքերիցդ մեկն ինձ տուր»:

Գյուղապետը զարմացած ձեռքերից մեկը մեկնեց:

«Դե հիմա ծափահարի՛ր»,-ասաց Բուդդան՝ սեղմելով վերջինիս ձեռքը:

«Ոչ ոք չի կարող մի ձեռքով ծափահարել»,- պատասխանեց գյուղապետն ավելի զարմացած հայացքով:

Բուդդան ժպտալով ասաց. «Ոչ մի կին էլ չի կարող հենց այնպես անառակ լինել, եթե անառակ չլինեն գյուղի տղամարդիկ»:

Ապա ավելացրեց. «Տղամարդիկ ու նրանց փողերն են, որ կնոջը անառակ են դարձնում»:

Իրանցի գրող Ահմադ Շամլուի էջերից