Ես հպարտ եմ, որ այսօր նաև իմ տոնն է, Հրանտ։ Պատիվ եմ ունեցել քեզ ճանաչելու ու հպարտ եմ, որ քո ժամանակակիցն եմ եղել: Դու հաճախ էիր ասում, որ եթե թուրքերն անգամ ոսկե ինքնաթիռներով հայերին հեռացնեին սեփական հողերից, ապա ես ևս կասեի, որ դա ցեղասպանություն է... Հրանտ Դինք, դու մեծագույն մարդ ես, մեծագույն մարդ: Գիտե՞ս, թե ինչու չեմ ասում մեծագույն հայ, որովհետև մեծագույն հայերի գերակշիռ մասի ուշքն ու միտքը սուտ հայրենասերի կարգավիճակում սեփական ցեղի կողմից սիմվոլների ֆետիշացմամբ սեփական խղճուկ գոյությունն արդարացնելն է: Իսկ դու մեծագույն մարդ ես եղել, որի համար մեզ թշնամի ցեղի մի ողջ բազմության ստիպել ես բարձրաձայնել «Մենք բոլորս հայ ենք» նախադասությունը: Հրանտ Դինք, դու պայքարել ես մարդու համար, այլ ոչ միայն հայի: Դու պայքարել ես, ոչ թե վերածվել տաղտկալի, բոբիկ ուղեղով, անգրագետ, պուզատի, անհեռատես, արհեստական, քոմենթչի հայրենասերի: Ես ցավում եմ, որ դու չկաս, բայց ես հպարտ եմ, որ դու եղել ես...
Հրանտ Դինքն այսօր կդառնար 61 տարեկան։
