«ՀՖՖ նախագահի թիկնապահների կողմից ծեծի ենթարկված «Էյր Արմենիա» ՓԲԸ-ի համասեփականատեր Արսեն Ավետիսյանը շարունակում է մնալ ուշադրության կենտրոնում։ Սակայն ծեծից զատ, օրերս պարզվեց նաև, որ Ավետիսյանի ղեկավարած ընկերությունը բավականին կլորիկ տուգանքի է ենթարկվել՝ ավելի քան 45,5 միլիոն դրամով։
Ծեծի պատմությունը ևս ֆինանսական հիմք ուներ՝ պարտքերը։ Ուստիև, պարզելու համար, թե ինչու է նշված ընկերությունը նման ֆինանսական բարդ վիճակում հայտնվել, փորձեցինք դիմել Ա. Ավետիսյանին։ Սակայն նրա հետ կապվել մեզ չհաջողվեց, քանի որ, ինչպես տեղեկացրեց Ավետիսյանի կինը՝ Իզաբելլա Մելքոնյանը, ամուսնու առողջությունն արդեն լավ է, և այժմ մի քանի օրով բացակայում է երկրից. «Կգա, վստահ եմ, կխոսի»։ Իսկ ինչ վերաբերում է հայտնի միջադեպին, ապա տիկին Իզաբելլան նկատեց. «Այդ ծեծի թեման արդեն փակված խոսակցություն է»»,–գրում է թերթը։
Մանրամասները՝ թերթի այսօրվա համարում։