Tert.am-ը գրում է.
Ադրբեջանի Մինգեչաուրի շրջանում երեկ տեղի ունեցած բողոքի ակցիայի ընթացքում 21 մարդ է ձերբակալվել:
Ինչպես տեղեկացնում է contact.az-ը, այդ մասին ասված է երկրի ՆԳՆ-ի տարածած հաղորդագրության մեջ:
Օգոստոսի 20-ին քաղաքի բնակիչ, թմրանյութեր օգտագործելու և վաճառելու համար կասկածվող Բահրուզ Հաջիևը հարցաքննության ընթացքում դուրս է նետվել ոստիկանական բաժանմունքի պատուհանից և մահացել:
Երեկ, նրա հուղարկավորությունից հետո քաղաքի մի խումբ բնակիչներ «կոպտորեն խախտել են հասարակական կայքը, չեն ենթարկվել ոստիկանության օրինական պահանջներին ու փորձել են երթ անցկացնել քաղաքի կենտրոնում»:
Հաղորդագրության մեջ նշվում է, որ ՆԳՆ 4 աշխատակիցներ մարմնական վնասվածքներ են ստացել բախումների հետևանքով:
Քաղաքի աղբյուրները հաղորդում են, որ քաղաքում իրավիճակը շարունակում է լարված մնալ: Քաղաք ոստիկանական նոր ուժեր են ուղարկվել:
Երեկ տեղի բնակիչները փակել էին Մինգյեչաուրի կենտրոնական փողոցներից մեկն ու պահանջում էին պատժել Հաջիևի մահվան մեղավորներին, սակայն ՆԳՆ արագ արձագանքման ուժերը ցրել էին բողոքի ակցիան:
