168.am–ը գրում է.
Կերչում կենցաղային թափոնների ոչնչացման համար նախատեսված վայրում ոչնչացվել է 4,4 տոննա նեկտարին, հայտնում է «Ղրիմինֆորմը»:
Մրգերը թաղվել են համաձայն ՌԴ կառավարության՝ պատժամիջոցների տակ հայտնված երկրներից բերված սննդամթերքի ոչնչացման վերաբերյալ հրամանի:
Նեկտարինի խմբաքանակն առգրավվել էր Կերչի ծովային ձկնորսական նավահանգստում: Դրանք բերվել էին Լիտվայից ու ուղևորվում էին Ռուսաստանի մայրցամաքային հատված:
Սա Ղրիմում եվրոպական երկրներից բերված սննդամթերքի երկրորդ խմբաքանակի ոչնչացումն է: Վերջերս այնտեղ ոչնչացվել էր ԵՄ-ից բերված բանջարեղենի հերթական խմբաքանակը:
Ռուսաստանում տրակտորների տակ է հայտնվել պանրի, տավարի մսի, լոլիկների ու մրգերի հսկայական քանակություն:
Ինչպես ցույց են տալիս հարցումները, ռուսների 90%-ը բացասաբար է վերաբերվում սննդամթերքի ոչնչացմանը՝ առաջարկելով սնունդը բաժանել սոցիալական հաստատություններին կամ անապահով ընտանիքներին:
