Փաստորեն, մերոնք որոշել են մասնակցել ռուսական «Ձայն»-ին:
Մրցույթների մասնակցելն ուղղակի հրաշալի է, իսկ հաղթանակած վերադառնալն՝ ավելի պայծառ: Բայց երբ դու արդեն կայացած արտիստ ես քո երկրում, ու մասնակցածդ մրցույթը նորելուկների համար է, կարող են որոշ խնդիրներ առաջանալ՝ կապված լսարանիդ հետ:
1.Քայլ առա՞ջ, թե՞ հետ
Ցանկացած նոր բան աղբյուր է նոր գիտելիքների համար: Ռուսական նախագծում հանդես գալը միանշանակ իր դրական հետքը կթողնի արտիստների վրա, բայց արդյո՞ք դա իրենց կարիերայում կարելի է համարել քայլ առաջ` չեմ կարծում:
2.Մեկ բեմում` նորելուկների հետ
Այո, ժամանակ առ ժամանակ «Ձայն»-ի բեմ են դուրս գալիս իսկական անհայտ հանճարներ, բայց դա ոչ միշտ է լինում: Ինչպե՞ս իրենց կզգան մեր կարկառուն աստղերը մեկ բեմում անհայտ երգիչների հետ, դժվար է պատկերացնել: Փորձեք Ձեզ դնել նրանց տեղը: Օհ, ո՛չ, ավելի լավ է սառը ցնցուղից խոսել:
3.Հերթական քննադատական ալիքը
Ամեն անգամ որևէ մրցույթի մերոնց ուղարկելուց խեղճ աստղերը ենթարկվում են հոգեբանական սթրեսի: Պատկերացրեք՝ ոնց կհոշոտեն նրանց անհաջող ելույթներից հետո:
ՀԳ. Դե, եթե պատրաստ եք այս ամենին, ուրեմն առաջ:
