Ճանաչենք Երևանը. «Մոսկվա» կինոթատրոն՝ ոչ միայն կինո նայելու վայր, այլև կյանք տեսնելու

«Մոսկվա» կինոթատրոնի շենքը կառուցվել է 1937թ. ՀՀ մայրաքաղաքի սրտում ճարտարապետներ Տ. Երկանյանի և Գ. Քոչարի կողմից: Կինոթատրոնի շենքում կա 4 դահլիճ` մեծ դահլիճ` Կարմիր դահլիճ (491 նստատեղով), Կապույտ դահլիճ (352 նստատեղով), VIP` առանձնացված (35 նստատեղով) և բացօթյա ամառային դահլիճ։ Այն գլխավոր ճակատով ուղղված է Շարլ Ազնավուրի անվան հրապարակին, մի թևը փռված է Աբովյան փողոցի վրա մինչև Թումանյան փողոց, իսկ մյուսն ընկնում է փողոցների անկյունում տարածվող թաղամասի վրա։ Շենքը վերակառուցվել է 1960թ.՝ Գ. Քոչարի և Թ. Գևորգյանի ճարտարապետությամբ, ապա 1983թ.` ճարտարապետներ Բ. Արզումանյանի, Զ. Զաքարյանի, Ա. Իսրայելյանի, Ա. Մելիքյանի նախագծով։