1in.am-ը գրում է.
Ինչպես հայտարարել է ըմբշամարտի միջազգային ֆեդերացիայի (United World Wrestling) նախագահ Նենադ Լալովիչը, հունահռոմեկան ոճի ըմբշմարտում մի քանի փոփոխություններ են նախատեսվում, որոնք մարզաձևի գոտեմարտերը տեխնիկապես առավել գեղեցիկ, դիտարժան ու գրավիչ կդարձնեն:
Այս փոփոխությունները հսկվելու են միջազգային ֆեդերացիայի մարզչական և մրցավարկան հանձնախմբերի կողմից: Դրանք առաջին անգամ փորձաքննություն կանցնեն առաջիկա օրերին՝ մայիսի 6-10-ը Դոհայում (Քաթար) կայանալիք ըմբշամարտի Ասիաի առաջնությունում և մայիսի 6-8-ը Հավանայում (Կուբա) տեղի ունենալիք համաամերիկյան երիտասարդական առաջնությունում:
Հաջողության դեպքում փոփոխությունները կսկսեն կիրառվել բոլոր միջազգային մրցաշարերում: Իսկ այդ փոփոխությունները ներառում են ՝ տուգանքների ավելացում ոչ կանոնակարգային գործողությունների համար, «push-outs», գոտուց հեռանալու դեպքում տրվող միավորի շնորհման բացատրությունն ու 5 միավորանոց հանրահայտ գցման վերադարձը: