Ոմանք հեշտությամբ են նոր կարողություն ձեռք բերում, իսկ մյուսներն էլ մեծ ջանքեր են ներդնում դրա համար։ Վերջերս գիտնականները պարզել են, թե կոնկրետ ինչ է կատարվում այս երկու տեսակի մարդկանց ուղեղում, և ինչու են երեխաներն ավելի հեշտությամբ նոր բաներ սովորում։ Ուսումնասիրելով ուղեղում տեղի ունեցող նեյրոնային գործընթացները՝ կալիֆորնիացի գիտնականների թիմը պարզել է, որ արագ սովորող մարդիկ կարողանում են դեակտիվացնել իրենց ուղեղի այն հատվածները, որոնք տվյալ բանը սովորելու կամ տվյալ առաջադրանքը կատարելու համար անհրաժեշտ չեն։

Researchers used an fMRI machine to measure the blood flow in the brain of participants who were playing a simple game. Blood flow increases to the regions of the brain involved in a particular activity, and by measuring this scientists could see how the brain communicated with itself when learning new skills

Գիտնականները կատարել են հետազոտության մասնակիցների ուղեղի ֆունկցիոնալ մագնիսառեզոնանսային տոմոգրաֆիա, մինչ մասնակիցները մի պարզ խաղ էին խաղում։ Նրանք ցանկանում էին տոմոգրաֆիայի շնորհիվ չափել ուղեղում տեղի ունեցող արյան հոսքը։ Պարզվեց, որ արյան հոսքն աճում էր ուղեղի այն հատվածներում, որոնք օգտագործվում էին տվյալ պահին խաղի համար։ Դանդաղ սովորողները, անկախ տարիքից, երկար ժամանակ են ծախսում նոր կարողություն ձեռք բերելու համար, որովհետև նրանք օգտագործում են ուղեղի նաև այն մասերը, որոնք անհրաժեշտ չեն տվյալ պահին, իսկ դա շեղում է նրանց բուն առաջադրանքի կատարումից։

Participants who showed a lower level of activity in areas such as the frontal cortex and the anterior cingulate cortex, learned the fastest. These regions are responsible for what is known as executive function and are among the last to fully develop, which may explain why children acquire new skills quickly (stock image)

Այս հետազոտության հեղինակը պրոֆեսոր Սքոթ Գրաֆթոնն է, ով աշխատում է Կալիֆորնիայի համալսարանի հոգեբանության բաժնում։ Հետազոտության մասնակիցները խաղը նախ խաղացել են լաբորատորիայում, ապա նրանց խնդրել են տանը պարապել այդ խաղը։ Դրանից 2, 4 և 6 շաբաթ անց նրանց ուղեղները կրկին սկանավորվել են։ Այն մասնակիցները, ովքեր ուղեղի ցածր ակտիվություն էին ցուցաբերում ուղեղի այնպիսի հատվածներում, ինչպիսիք են ճակատային ուղեղակեղևը և առաջնային գոտկային ուղեղակեղևը, ամենից ավելի արագ են սովորում։

Ուղեղի այս մասերը պատասխանատու են ուղեղի գործադիր ֆունկցիաների համար (ծրագրերի կազմում, սխալների հայտնաբերում ու սխալներից խուսափում ու բարձր մակարդակի մտավոր գործողություններ)։ Ճակատային ուղեղակեղևը ու առաջնային գոտկային ուղեղակեղևն ուղեղի ամենաուշ ձևավորվող մասերն են։ Ահա թե ինչու են երեխաներն ավելի հեշտությամբ նոր կարողություններ  ու գիտելիքներ ձեռք բերում, քան մեծահասակները։ Ուղեղի այս հատվածները, որքան էլ որ օգտակար լինեն, միաժամանակ նաև խոչընդոտում են որոշակի մտավոր գործողությունների իրականացմանը։ 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել