Doctors.am-ը գրում է.
Մեզանից շատերը ժամանակ առ ժամանակ բողոքում են վատ հիշողությունից: Գոյություն ունեն բազմաթիվ մեթոդներ, որոնք բարելավում են հիշողությունը: Հարուստ, անհրաժեշտ վիտամիններով սնունդը երաշխավորում է լավ հիշողությունը: Վիտամիններ ձեռք բերելու համար մի շտապեք դեղատուն, այլ կազմեք ճիշտ, վիտամիններով հարուստ սննդակարգ:
Ձեր սննդակարգում ընդգրկեք այնպիսի սննդամթերք, որը բավարար քանակությամբ վիտամին B է պարունակում:
B վիտամինների խումբ
Վիտամին B1 կամ թիամին: B1 վիտամինի հիմնական նպաստում է ածխաջրերը ուղեղի համար սննդի վերածելուն: Վիտամին B1-ի պակասը կարող է առաջ բերել հոգնածություն, դեպրեսիա և անքնության պատճառ կարող է հանդիսանալ: Վիտամին B1-ի հիանալի աղբյուր են հանդիսանում գետնընկույզը, հունական ընկույզը, պնդուկը, հացազգինների չմաքրած հատիկները և միսը:
Վիտամին В3 կամ նիացին
В3 վիտամինն այլ կերպ կոչվում է նիկոտինային թթու: Տվյալ վիտամինը ոչ միայն նպաստում է հիշողության բարելավմանը, այլև կանխարգելում է ուղեղի կաթվածը, քանի որ այն նպաստում է արյան մեջ խոլեստերինի մակարդակի իջեցմանը: Բայց պետք չէ չարաշահել վիտամին В3-ը, քանի որ այն կարող է առաջ բերել լյարդի հիվանդություն: Բավարար քանակությամբ վիտամին В3 կա ձկան (հատկապես ծովային), լյարդի, ընկույզի մեջ:
Վիտամին В6 կամ պիրիդոկսին
Այն անհրաժեշտ է ուղեղի նեյրոմեդիատորների սինթեզի համար: Այս վիտամինը կարելի է գտնել արևածաղկի, գարեջրի խմորիչի, մրգերի և մսի մեջ: Վիտամին В12: Այս վիտամինը ացետիլխոլինի սինթեզի անմիջական մասնակիցն է և այն ուղղակի անհրաժեշտ է լավ հիշողության համար: Վիտամին В12-ը հանդիպում է ձկան, մսի, կաթնային սննդամթերքների մեջ:
Ֆոլաթթու
Հղի կանանց առողջ հղիության համար խորհուրդ է տրվում ընդունել ֆոլաթթվով հարուստ սննդակարգ, քանի որ այն կանխում է երեխայի ուղեղի և ողնուղեղի հնարավոր արատների վտանգը: Բայց ֆոլաթթուն անհրաժեշտ է մարդուն ոչ միայն մայրական արգանդում, այլև առօրյա կյանքում հիշողության, և կենտրոնացման համար: Իսկ ահա օրգանիզմում ֆոլաթթվի պակասը կարող է առաջացնել դեպրեսա և տագնապի զգացողություն:
Այս վիտամինը պարունակվում է մուգ կանաչ բանջարեղեններում (սպանախ, բրոկոլլի, բրյուսելյան կաղամբ), նաև այն պարունակվում է լոբազգիների և թեփոտ հացահատիկների մեջ:
Որտե՞ղ կարելի է փնտրել անհրաժեշտ վիտամինները
Լավ հիշողությունը մեզ ապահովում է հատկապես լիարժեք սնունդը, որոնք ապահովում են ուղեղի համար անհրաժեշտ վիտամինները, միկրո և մակրոէլեմետները:
Սպիտակուցները պարունակում են ամինաթթուներ, որոնք օգտակար են ոչ միայն հիշողության, այլև նյարդային համակարգի համար: Շաբաթական առնվազն երկու երկու անգամ սննդակարգի մեջ ներառեք ձուկ, հացահատիկներ և լոբազգիններ՝ ոլոռ, բրինձ, լոբի, ոսպ:
Մոնո և պոլիսախարիդներ, հանքային նյութեր և, իհարկե, վիտամիններ, որոնք գոյություն ունեն մրգերի և բանջարեղենի մեջ և որոնք անհրաժեշտ են ուղեղի ամբողջական աշխատանքի համար: Խորհուրդ է տրվում օգտագործել ամեն օր:
Մագնեզիումը, ցինկը, երկաթը՝ հիշողության համար անհրաժեշտ ամենաօգտակար միկրոէլեմենտներն են: Նրանց շնորհիվ մեծանում է ուշադրության կենտրոնացման ընդունակությունը, և միառժամանակ բարելավվում է նյարդային համակարգի վիճակը:
Գլյուկոզան, որը տալիս է ուղեղի բջիջներին էներգիա, մեծ քանակությամբ պարունակվում է մեղրի մեջ: Գլյուկոզան ոչ միայն ամրապնդում է հիշողությունը, այլև հիանալի պայքարում է տագնապային իրավիճակների դեմ: Չնայած այն փաստին, որ մեր ուղեղը կազմում է մարմնի զանգվածի ընդամենը 2%-ը, նրան անհրաժեշտ է միջինը 20% էներգիա: Այդ իսկ պատճառով մեղրից բացի ապահովվեք ձեր օրգանիզմը բանջարեղենով, մրգերով, չիրով, շիլաներով, կարտոֆիլով:
Հակաօքսիդանտներ և կարնոզինյան թթու (карнозиновая кислота), որոնք ընդլայնում են ուղեղի անոթային հյուսվածքները, պարունակվում են հազրեվարդում (розмарин): Վերջին հետազոտությունները պարզել են, որ այդ խոտի բույրը խթանում է հիշողության ակտիվ աշխատանքը: Հազրեվարդից բացի ուղեղի նեյրոտրանսմերների կանոնավոր աշխատանքը կարգավորում են ժենշենը, գոտա – կոլան և գինկոն:
Ամինաթթուները, հատկապես թեանինը, որը նպաստում է ուղեղի կենտրոնացմանը, հանդիպում է թեյի մեջ: Թեյը, որը պարունակում է պոլիֆեններ (полифенолов), հայտնի է իր հակաօքսիդային հատկություններով, որոնք նպաստում են իմացական ֆունկցիայի բարելավմանը:
Խոլին
Գիտնականներն այս տարրը անվանում են հակասկլերոզային վիտամին, որը նախազգուշացնում է ուղեղի բջիջների պաշտպանիչ թաղանթի հնարավոր վնասվածքի մասին: Իսկ ահա խոլինի պակասը կարող է առաջ բերել հիշողության լուրջ խանգարումներ: Նրանով հարուստ են ձվի դեղնուցը և սարդինները:
Ինչպե՞ս է ձևավորվում հիշողությունը
Հիշողությունը կենդանի օրգանիզմի եզակի հատկություն է: Առողջ և վիտամիններով հագեցված սննդակարգից բացի խորհուրդ է տրվում նաև զբաղվել սպորտով, զբոսնել մաքուր օդում: Լավ հիշողություն ունենալու համար պետք է հրաժարվել ալկոհոլի չարաշահումից, քանի որ մեծ քանակությամբ ալկոհոլի օգտագործումը կարող է հանգեցնել հիշողության լուրջ խանգարումներին:
