Եմենի մայրաքաղաքից տարհանում են ռուսաստանցիներին

GalaTV.am-ը գրում է.

Ռուսաստանից երկու օդանավ է մեկնել Եմեն, որպեսզի իրականացնի ռուսաստանցիների տարհանումը մայրաքաղաք Սանայից,- հաղորդում է BBC-ին:

Ինքնաթիռներից մեկն արդեն տեղափոխում է 167 ուղեւորի: Մոտավորապես նույնքան մարդ էլ կտեղափոխի մյուս օդանավը:

Երեկ Ռուսաստանից ուղեւորված ինքնաթիռը չի կարողացել վայրէջք կատարել Եմենում եւ ստիպված հայտնվել էր Կահիրեում:

Նշենք, որ այս գիշեր հարձակման եւ թալանի էր ենթարկվել Ադեն քաղաքում գտնվող ՌԴ գլխավոր հյուպատոսարանը:

Նախորդ շաբաթ Սաուդյան Արաբիայի մասնակցությամբ միջազգային կոալիցիան ռազմական գործողություններ է սկսել Եմենում, որի նպատակն է կանխել շիա իսլամիստների ապստամբական խմբերի առաջխաղացումը:

Վերջիններս իրենց վերահսկողության տակ են վերցրել երկրի տարածքների մեծամասնությունը: