Երեկ Շակիրան իր ավագ որդի Միլանի հետ անխնամ տեսքով դուրս էր եկել իր բնակարանից։ Նորածին Սաշան նրանց հետ չէր։ Շակիրան առանց դիմահարդարման ու անպաճույճ տեսքով էր դուրս եկել։ Հավանաբար, նորածին բալիկի խնամքը խլում է փոփ աստղի ողջ ժամանակը։ Շակիրան բավականին լայն հագուստ էր կրում, ինչի պատճառով անհնար է ասել, թե արդյոք նրա մարմինը փոխվել է մայրանալուց հետո։ Միայն մի բան է հստակ. Շակիրան առօրյայում նախընտրում է հարմարավետությունը. ցածրակրունկ կոշիկներ, տաք բաճկոն ու մարզական ոճի թիկնապայուսակ։
Շակիրայի ու Պիկեի երկրորդ բալիկը՝ Սաշան, ծնվել է հունվարի 29-ին Բարսելոնայում։ «Սաշա» անունը ռուսական ու հունական ծագում ունի և նշանակում է «մարտիկ», «մարդկության պաշտպան»։
Նորածին Սաշայի լուսանկարն առաջին անգամ հրապարակեցին նրա ծնողները «Unicef»-ի կայքում։ Շակիրան իր էջում գրեց.
Մենք ցանկանում ենք Ձեզ ներկայացնել Սաշա Պիկե Մեբարակին։ Նրան տեսնելու համար այցելեք worldbabyshower.org։
Փոքրիկը ծնվել է նույն հիվանդանոցում և նույն բժշկի օգնությամբ, ինչ Միլանը։ Նա լույս աշխարհ է եկել կեսարյան հատմամբ։
Հարցազրույցներից մեկի ժամանակ Շակիրան ասել է.
Մայրությունն ինձ համար ամեն ինչ է։
Երգչուհին նշել է նաև, որ Պիկեն շատ հոգատար հայր է ու շատ է օգնում իրեն երեխաների խնամքի հարցում։ Հենց նրա հոգատարության շնորհիվ էլ Շակիրան երբեմն կարողանում է ժամանակ հատկացնել իր արտաքինով զբաղվելու համար։ Այո, նա միշտ չէ, որ առանց դիմահարդարման, խառնափնթոր մազերով ու անշուք հագուստով է դուրս գալիս տնից։ Այդ մասին է վկայում ստորև ներկայացված լուսանկարը:
