Tert.am-ը գրում է․
System of a Down ռոք խումբը 2015-ի հոկտեմբերի 6-ին համերգով հանդես կգա Մեքսիկայում` Հայոց ցեղասպանության 100-րդ տարելիցին նվիրված Wake Up The Souls համաշխարհային համերգային շրջագայության շրջանակում:
Հանրահայտ երաժիշտներն, ովքեր իրենց առաջին ալբոմը թողարկել են 1998-ին, երկարմայա կարիերայի ընթացքում իրենց ստեղծագործություններով պայքարել են բռնությունների, պատերազմների, տարբեր հասարակական խնդիրների և ցեղասպանության դեմ:
Ինչպես գրում է starmedia.com կայքը` խմբի երաժիշտներ Սերժ Թանկյանը (վոկալ, ստեղնաշարային գործիքներ), Դարոն Մալաքյանը (կիթառ, վոկալ), Շավո Օդաջյանը (բասս կիթառ) և Ջոն Դոլմանյանը (հարվածային գործիքներ), ովքեր 1915-ի Ցեղասպանությունը վերապրածների ժառանգներն են, նախաձեռնել են Wake Up The Souls համերգային շրջագայությունը, որն սկսվելու է ապրիլի 23-ին` երևանյան համերգով:
Մեքսիկացի երկրպագուներին երաժիշտները կներկայանան Մեխիկոյի «Պալասիո դե լոս Դեպորտես» մարզադաշտում: