ԱՄՆ-ն և Կուբան վերականգնել են ուղիղ հեռախոսակապը

Tert.am–ը գրում է.

Վաշինգտոնն ու Հավանան վերականգնել են ուղիղ հեռախոսային կապը երկու երկրի միջև: Այս մասին տեղեկացնում է INTERFAX.RU–ն` կուբայական ԶԼՄ-ներին հղումով:

«ԱՄՆ-ի և Կուբայի միջև վերականգնվել է ուղիղ կապը», -ասվում է ETECSA կուբայական կապի օպերատորի հաղորդագրության մեջ:

Ուղիղ հեռախոսային կապի վերականգնումը հնարավոր է  դարձել ETECSA-ի և Domestic Telecom ամերիկյան ընկերության միջև կնքված համաձայնագրի շնորհիվ, որը ստորագրվել է փետրվարին:
Մինչ օրս հեռախոսազանգերը երկու երկրի միջև իրականանում էին երրորդ երկրի միջոցով, ինչի պատճառով դրանք թանկարժեք էին դառնում:

2014-ի դեկտեմբերի 17-ին ԱՄՆ-ն և Կուբան հայտնել էին ԱՄՆ-ի կողմից երկարամյա տնտեսական էմբարգոյից հետո երկրների  միջև դիվանագիտական հարաբերությունները վերականգնելու  մտադրության մասին: