Ըստ վիճակագրական տվյալների` 2009-ից եվրոպական երկրներից ՀՀ մտնող ներդրումներն ունեցել են նվազող միտում, իսկ 2013-ին եղել է ամենացածր մակարդակը 2007 թվականից ի վեր:
Իհարկե հարց է առաջանում, ինչո՞ւ են նվազում օտարերկրյա ուղղակի ներդրումները Եվրոպայից:
Այս հարցի շուրջ կարծիքները տարբեր են: Սակայն անհրաժեշտ է քննարկել բոլոր հնարավոր տարբերակները, իսկ այն կապել ԵԱՏՄ անդամակցելու հետ, կարծում եմ, սխալ է:
Այսօր Վաչե Գաբրիելյանը Tert.am-ի հետ հարցազրույցում նշեց, որ 2009-2010 թվականներին ԵԱՏՄ մասին չէր խոսվում, բայց շարունակվում էր անկումը: Ըստ նրա՝ իրականում խնդիր կա տարածաշրջանային տնտեսական զարգացման հետ, և նույն խնդիրը եղել է 98 թվականից հետո՝ անկախ նրանից, թե ինչպիսին էր տնտեսության վիճակը, մեր երկրին ներդրողները նայում էին ընդհանուր ռիսկի պրիզմայով:
Կարծում եմ՝ մենք պետք է ընդունենք համատեղության տարբերակը, քանի որ ԵԱՏՄ մի քանի պաշտոնյաներ մի քանի անգամ արձանագրել են, որ պատրաստ են սերտ համագործակցության ԵՄ-ի հետ և օրինակ՝ ունենալ շուկա Վլադիվոստոկից մինչև Լիսաբոն: Իսկ այս դեպքում ՀՀ կարող է կամուրջ հանդիսանալ, ինչը մեր տնտեսության համար շատ կարևոր նշանակություն կունենա:
