Եթե աշխատանքի վայրում կամ ուսման մեջ ամեն ինչ կուտակվել է, ապա ստիպված ես լինում որևէ բան զոհաբերել։ Օրինակ՝ չքնել և գիշերը պարապել։ Ահա օրգանիզմին խաբելու և պարապելու ընթացքում չքնելու 15 գիտականորեն փորձված միջոց։
1. Մաստակ։ Մաստակը ծամիր մենթոլի հետ։ Թարմացնող մենթոլն այդքան կարևոր չէ, որքան ծամելու շարժումները։ Այս կերպ դու խաբում ես քո ուղեղին, որն էլ իր հերթին ակտիվանում է՝ կարծելով, որ հիմա պետք է ընդունած սնունդը մարսել։ Դրա համար այն ինսուլին է արտահանում, որն էլ զգոնության զգացում է առաջացնում։
2. Սառնություն։ Բացիր պատուհանը, թող մաքուր օդ գա, միացրու օդակարգավորիչը։ Տաք և տոթ տարածությունները հոգնածության զգացում են առաջացնում։ Սառնությունն ուղեղը լարված է պահում և ստիպում է օրգանիզմին ակտիվանալ՝ օրգանիզմի կայուն ջերմաստիճանը պահելու համար, որն օրգանների ճիշտ աշխատելու համար շատ կարևոր է։ Էքստրեմալ մարդիկ կարող են սառույց ուտել փորձել. աշխարհում քիչ բան է այդպես գզաստ պահում։
3. Մարմնամարզություն։ Ցատկիր, մի քանի անգամ պրես արա։ Յուրաքանչյուր տեսակի ֆիզիկական վարժություն՝ 20-30 րոպե ընդմիջմամբ, կօգնի արյան շրջանառությունը կարգավորել և, հետևաբար, մարմնին լրացուցիչ էներգիա կհաղորդի։ Հետազոտողներն ապացուցել են, որ 15 րոպե զբոսնելը 2 ժամ աշխատելու համար նոր ուժեր է հաղորդում։
4. Լվացումներ։ Դաստակները թրջիր սառը ջրով։ Այս հնարքն օրգանիզմին արագ սառելու հնարավորություն է տալիս։ Այն նաև ամռանն է օգտակար, երբ շատ շոգ է կամ էլ երբ պետք է գլխացավից ազատվել, որը պայմանավորված է բարձր ջերմաստիճանով։
5. Սով։ Սնունդ ընդունելու հնարքն անտեսիր։ Օրգանիզմն այն մարսելու համար շատ ժամանակ է ծախսում, այդ պատճառով էլ ծանր ընթրիքից հետո հոգնածության և քնկոտության զգացում է առաջանում։ Թեթև սովն օգնում է զգոն մնալ։
6. Երաժշտություն։ Լսիր արագ, նյարդայնացնող երաժշտություն՝ ցածր ձայնով։ Երաժշտությունն առաջացնում է ուժեղ արձագանք, որն ազդում է ուղեղի շատ հատվածների վրա։ Եթե հնարավոր է՝ ձայնակցիր կամ էլ ռիթմի հետ շարժվիր։ Մեղեդային և ծանոթ երաժշտություն չպետք է լինի։ Ձայնը պետք է այնպիսին լինի, որ երգի բառերը դժվար հասկացվեն։ Եվ դա կօգնի ուղեղի աշխատանքին, քանի որ այն սկսում է ուշադիր լինել։
7. Լուսավորություն։ Վառ լույս միացրու։ Լավագույն տարբերակը, իհարկե, դուրս գալն է, բայց երբ արևը մայր է մտել, օրգանիզմի՝ ժամանակի զգացողության համար պատասխանատու հատվածներին հնարավոր է խաբել՝ միացնելով տան բոլոր լամպերը. երբ լույսը քչանում է, օրգանիզմին թվում է՝ քնելու ժամանակն է։
8. Մերսում։ Մերսիր պարանոցը, բութ մատի և ցուցամատի հատվածները և ծնկները։ Այս հատվածներն օգնում են հոգնածության զգացումը վերացնել և արյան շրջանառությունը լավացնել։
9. Պրանայամա։ Փորձիր յոգերի շնչառական վարժությունը։ Այն կոչվում է կապալաբխատի և կայանում է նրանում, որ դու նորմալ և արագ շնչում ես, դանդաղ արտաշնչում։ Փորձիր ավելի քան 10 անգամ։ Այս հնարքը տաքացնում է, զգոն պահում։
10. Արոմաթերապիա։ Ուժեղ հոտն (և՛ վատ, և՛ լավ) արագորեն տանում է մարտական տրամադրված վիճակի։ Արոմաթերապիայի ժամանակ նյարդային համակարգի կարգավորման համար օգտագործվում են հետևյալ նյութերի յուղերը՝ խունկ, էվկալիպտ, դաղձ։ Եթե շրջակայքում որևէ յուղ չկա, սուրճի հատիկի բույրը ևս լավ տարբերակ է։
11. Անհարմարություն։ Չոր աթոռի վրա նստիր։ Եթե չքնելը քո խնդիրն է, անհարմարության թեթև զգացումը լավ է։ Եթե բազմոցին կամ անկողնում աշխատես, քո քունը կտանի, քանի որ այն շատ հարմարավետ է։
12. Սուրճ և քուն։ Սուրճ ըմպիր և 15 րոպե քնիր։ Դրանք համախմբված և ազդեցիկ համադրություն են։ Կոֆեինը սովորաբար ազդում է 20 րոպե անց, եթե սուրճ կամ թեյ ես ըմպել կամ շոկոլադ կերել։ Այդ ժամանակ միկրոքնի օգնությամբ (նաև անվանում են power nap) կարելի է ուժերը հավաքել։ Կարևորը՝ զարթուցիչը միացնել և 30 րոպե չքնել, քանի որ կես ժամ հետո դու կգնվես խորը քնի փուլում, և այն ընդհատելու դեպքում քեզ կոտրված կզգաս։
13. Սպիտակուցային դիետա։ Եթե ուտել, ապա ուտել պրոտեինով հարուստ սնունդ (ընկույզ, ձու), ինչպես նաև բանջարեղեն ու մրգեր։ Խուսափիր շաքարավազից, քանի որ այն հակառակ արդյունքի է բերում։ Շատ ջուր խմիր։
14. Խտտիկ։ Սա ևս զգաստանալու լավագույն միջոց է։
15. Թրոլլինգ։ Զվարճալի վիդեոներ նայիր կամ որևէ մեկի հետ քննարկիր քաղաքականությունը։ Սոցիալական յուրաքանչյուր ակտիվություն (նույնիսկ՝ համացանցային քննարկում) ուղեղն աշխուժացնում է։
