Lurer.com–ը գրում է.

Սերբիայում անցկացվող տոնավաճառում խոհարարները պատրաստել են 2031 մետր երկարությամբ երշիկ: Նրանք իրենց արտադրանքի համար գործածել են 3430 կիլոգրամ միս՝ 28 խոզից, 60 կիլոգրամ աղ, 26 կիլոգրամ չորացրած պապրիկա (պատիճավոր կարմիր պղպեղ), 5 կիլոգրամ պղպեղ և 5 կիլոգրամ սխտոր, տեղեկացնում է «Արմենպրես»-ը՝ հղում անելով BBC-ին:

Երշիկի ավանդական փառատոնը՝ «Կոբասիցիադա»-ն, ամեն տարի անցկացվում է սերբական Տուրիա գյուղում, որը գտնվում է Բելգրադից 100 կիլոմետր հյուսիս-արևմուտք ընկած շրջանում: Հմուտ խոհարարներն ամեն տարի փորձում են գերազանցել նախորդ տարվա ռեկորդը:

Թվով 31-րդ տոնավաճառն այս տարի անցկացվել է փետրվարի 28-ին և մարտի 1-ին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել