Ի՞նչ անել հին iPhone-ի հետ նորը գնելուց հետո: Առաջին ամենահավանական տարբերակը վաճառելն է: Կարելի է, օրինակ, ծանոթներին հարցնել և էժան գնով առաջարկել հեռախոսը: Macdigger.ru-ն առաջարկել է 6 տարբերակ, թե ինչպես կարելի է օգտագործել հին iPhone-ը:
CarPlay-համակարգ
Cydia համակարգից տեղադրված անվճար կարգավորումը թույլ է տալիս iPhone-ի վրա միացնել մեքենաների համար նախատեսված Apple CarPlay-ը: Այդպիսով, բոլոր ցանկացողները կարող են տեխնոլոգիան տեղափոխել բջջային հեռախոս առանց մեքենային միացնելու: CarPlay-ի միջոցով iPhone-ը միանում է մեքենայի երաժշտական համակարգին և կառավարվում սենսորային էկրանի, ղեկի վրա գտնվող կոճակների և ձայնային հրահանգների միջոցով և թույլ է տալիս զանգ կատարել, երաժշտություն միացնել և SMS ուղարկել:
Անվտանգության տեսախցիկ
Հին հեռախոսը կարող է լավ անվտանգության տեսախցիկ դառնալ: Դրա համար անհրաժեշտ է ուղղակի App Store-ից համապատասխան ծրագիրը տեղադրել: iOS-ի համար ստեղծված ծրագիրը արձագանքում է շարժումներին և ձայնին: Ի դեպ iPhone-ը կարող է ձայնային ազդանշան տալ, եթե ինչ-որ մեկն այն անջատի հոսանքից:
«Խելացի տան» կառավարման վահանակ
Հին iPhone-ը կարելի է օգտագործել որպես հեռակառավարման վահանակ: Դրա համար պետք է սարքը տանը ինչ-որ տեղ տեղադրել և միացնել լուսավորության համակարգը, ավտոտնակի դարպասները, տաքացնող սարքերը, տեխնիկա և այլն:
Տեսագրանցիչ
Սարքից կարելի է լավ տեսագրանցիչ ստանալ: Իհարկե, դրա համար պետք է դիմային ապակուն ամրացնելու հարմարանք գնել: Երբ համապատասխան ծրագիրը միացրած է, հեռախոսը կանի այն, ինչ անում է սովորական տեսագրանցիչը: Սա ունի ակնհայտ առավելություն, քանի որ դրա համար հատուկ սարք պետք չէ:
GPS-որոնողական համակարգ մեքենայի համար
Իհարկե, ցանկացած մարդ մեքենա գնելուց հետո ձայնաազդանշանային համակարգ է տեղադրում, բայց եթե, այնուամենայնիվ, գողերը կարողացել են մեքենան բացել, ապա հին հեռախոսը կարող է օգտակար ծառայություն մատուցել: «Գտնել iPhone»-ը գործառույթի շնորհիվ մեքենան կարելի է գտնել GPS-ի միջոցով: Եթե այդ ժամանակ հեռախոսը լավ է թաքցրած մեքենայում, դա նշանակում է, որ դուք հեշտությամբ կգտնեք մեքենան:
Ռադիոդայակ
Նորածին երեխան անդադար խնամքի կարիք ունի: Ծնողները նրան են նվիրում իրենց ամբողջ ժամանակը: Բայց եթե ստիպված պետք է որոշ ժամանակ բացակայեք, կարող եք վստահ լինել, որ երեխային հետ ամեն ինչ լավ կլինի: iPhone-ը կարելի է օգտագործել որպես ռադիոդայակ: Սմարթֆոնն արձագանքում է երեխայի արթնանալու կամ լացի դեպքում:
