Քիմ Քարդաշյանը դստեր և քույրերի հետ ավտովթարի է ենթարկվել

Հայտնի է դարձել, որ Մոնտանայում ավտովթարի են ենթարկվել Քարդաշյանները։ Քիմ Քարդաշյանի սև Yukon GMC մեքենան, որի ղեկին եղել է Քիմի քույր Քլոեն, դուրս է եկել երթևեկության հանդիպակաց գիծ ու հայտնվել ճամփեզրի փոքրիկ առվակի մեջ այն բանից հետո, երբ բեռնատարը, անցնելով Քարդաշյանների մեքենայի կողքով, ձնակույտ է լցրել Քարդաշյանների մեքենայի դիմապակու վրա ու փակել է վարորդի տեսադաշտը։

Մեքենայում եղել են Քիմը, նրա դուստր Նորթը և Քիմի քույրեր Քլոեն և Քայլին։ Բարեբախտաբար, ոչ ոք չի տուժել, իսկ Քիմն այս կապակցությամբ Twitter-ում արել է հետևյալ գրառումը. «Աստված իմ, շնորհակալ եմ, որ փրկեցիր մեզ»։