Slaq.am-ը գրում է․
Աշխարհահռչակ Anonymous հակերների խումբը հուժկու կիբեր-գրոհ է նախաձեռնել «Իսլամական պետություն»(ԻՊ) ահաբեկչական կազմակերպության դեմ՝ կոտրելով կառույցի հարյուրավոր թվիթերյան հաշիվներ և հավաքագրողների էլեկտրոնային հասցեներ:
Կիբերօպերացիան անվանվել է #OpISIS, որի մեկնարկի հետ կապված հակերային խումբը հանդես է եկել հայտարարությամբ. «ԻՇԻՊ, մենք հանգիստ չենք տալու ձեզ, կոտրելու ենք ձեր կայքերը, հաշիվները, էլեկտրոնային փոստերը: Ձեզ պետք է վերաբերել, ինչպես վարակի, իսկ մենք բուժումն ենք: Մենք Anonymous-ն ենք»:
Տեսահոլովակում նաև նշվում է. «Հիշեք՝ իրենց «Իսլամական պետություն» անվանող ահաբեկիչները» ոչ մի կապ չունեն իսլամի հետ: Մենք մահմեդականներ ենք, քրիստոնյաներ, հրեաներ, հակերներ: Մենք պատկանում ենք բոլոր երկրներին, բոլոր կրոններին ու ռասաներին»:
Փաստորեն Anonymous-ը հավատարիմ է իր խոստմանը. սա խմբի՝ արդեն երկրորդ, բայց ավելի մասշտաբային վիրտուալ հատուկ գործողությունն է ԻՊ-ի դեմ: Այ, եթե իսլամականների դեմ գործող միջազգային ռազմական կոալիցիան ևս նույնքան հետևողական լիներ, իրավիճակը որակապես այլ կլիներ նաև կառույցի դեմ ընթացող իրական պայքարում: