1in.am-ը գրում է․
Մադրիդի «Ատլետիկո»-ի գլխավոր մարզիչ Դիեգո Սիմեոնեն գոհ է մնացել Իսպանիայի գավաթի խաղարկության 1/8 եզրափակչի «Ռեալ»-ի դեմ հանդիպմանն իր սաների ցուցադրած խաղից: Պատասխան հանդիպումն արգենտինացի մասնագետի սաներն ավարտեցին ոչ-ոքի` 2:2 հաշվով և քառորդ եզրափակչի ուղեգիր նվաճեցին:
«Առաջին խաղակեսում մեզ համար ավելի դժվար էր, քան երկրորդում: Ընդմիջումից հետո ավելի լավ խաղացինք: Գիտակցում էինք, որ խաղում ենք Չեմպիոնների Լիգայի հաղթողի հետ: Ի դեմս «Ռեալ»-ի «Ատլետիկո»-ն հաղթել է աշխարհի լավագույն թիմին»,- Marca-ն մեջբերում է Սիմեոնեի խոսքերը:
Հիշեցնենք` մրցաշարի քառորդ եզրափակչում «Ատլետիկո»-ն ուժերը չափելու է «Բարսելոնա»-ի հետ: Առաջին խաղը կայանալու է հունվարի 21-ին կատալոնացիների հարկի տակ:
Նյութի աղբյուր՝ http://www.1in.am/1525470.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել