1in.am–ը գրում է.
Երգչուհի Քրիստինա Ագիլերայի Կալիֆոռնիայի Դիսնեյլենդ այցելությունը սկանդալով է վերջացել: Երգչուհին վիրավորել է զվարճանքների այգու աշխատակցին, գրում է spletnik.ru: Ագիլերայի նման վարքագծի պատճառն այն էր, որ Միկի Մաուսի կոստյումով դերասանը հրաժարվել էր լուսանկարվել իր և իր ընկերների հետ:
Դեկտեմբերի 18-ին Քրիստինան փեսացուի՝ Մեթ Ռատլերի և ընկերների հետ այցելել էր Կալիֆոռնիայի Դիսնելյենդ, որպեսզի նշի իր ծննդյան 34-ամյակը:
Նշվում է, որ ընկերները ցանկացել են լուսանկարվել Միկի Մաուսի հետ, սակայն դերասանը հրաժարվել է՝ բացատրելով, որ պատրաստվում է ընդմիջման:
Դրան ի պատասխան՝ Քրիստինա Ագիլերան հայհոյել և վիրավորել է Դիսնեյլենդի աշխատակցին, ասելով. «Դու ընդհանրապես գիտե՞ս, թե ես ով եմ»:
Ենթադրվում է, որ երգչուհու և նրա ընկերների վարքն այնքան ագրեսիվ է դարձել, որ Դիսնեյլենդի աշխատակիցը ստիպված է եղել կանչել անվտանգության ծառայությանը:
