1in.am-ը գրում է․
Մեծ Բրիտանիայի նախկին վարչապետ Ուինսթոն Չերչիլն այնքան է տպավորվել արևելյան կրոնով, որ հարազատները նրան նամակ են հղել՝ խնդրելով չդառնալ մուսուլման: Այս մասին գրում է The Independet-ը:
«Խնդրում եմ, մի ընդունիր իսլամ, ես նկատել եմ քո հակվածությունը արևելյան ամեն ինչի հանդեպ: Եթե դու առնչվես իսլամին, դու ավելի ավելի արագ կվերածվես, քան կարծում ես: Պայքարիր դրա դեմ»,-ասվում է Չերչիլի եղբոր կնոջ՝ Գվենդոլին Բերթիի նամակում: Նամակը գրվել է 1907-ի օգոստոսին:
Նամակը հայտնաբերել է Քեմբրիջի համալսարանի պատմաբան Ուորեն Դոքթերը՝ իր գրքի վրա աշխատելիս: Գիրքը կոչվել է «Ուինսթոն Չերչիլը և իսլամական աշխարհը. արևելահակությունը, կայսրությունը և դիվանագիտությունը Մերձավոր Արևելքում»:
«Իրականում Չերչիլը երբեք լրջորեն չի մտածել իսլամ ընդունելու մասին: Այդ ժամանակ նա արդեն գործնականում աթեիստ էր: Սակայն նա շատ տպավորված էր իսլամական մշակույթով»,- ասել է Դոքթերը:
