Իմացիր քո սեքսուալությունը՝ ըստ ծննդյանդ ամսաթվի

Սեքսուալությունը միևնույն ժամանակ և ինքնազգացողություն է, և դիմացինի վրա թողնվող տպավորություն, և՛ ձեր վարկը՝ անկողնում։ Սեքսուալությունը ներդրվում է մարդու մեջ ի սկզբանե ու միայն հազվագյուտ դեպքերում է, որ հնարավոր է ինչ-որ բան փոփոխել դրանում։ Սեքսուալության համար պատասխանատու են առավելապես աստղաբանական ցուցիչներ, սակայն քիչ դեր չի խաղում նաև նումերոլոգիան։ Ձեզ ենք ներկայացնում սեփական ու այլոց սեքսուալ պոտենցիալը՝ ծննդյան ամսաթվի միջոցով հաշվելու այս ինքնատիպ եղանակը։

Դուք պետք է իրար գումարեք մարդու ծննդյան ամսաթիվը կազմող տարեթվի, ամսաթվի և օրվա պարզ թվանշանները (1-9), վերցնեք ստացված երեք թվերն ու կատարեք նույն գործողությունն՝ արդեն այդ թվերով։ Այդ կերպ, դուք կստանաք կենսուղու թվանշանը։ Օրինակ, եթե մարդու ծննդյան ամսաթիվը 12.07.1973-ն է, ապա հաշվարկը պետք է անեք հետևյալ կերպ.

1+2=3

0+7=7

1+9+7+3=20=2+0=2

3+7+2=12=1+2=3
Հետևաբար, վերոնշյալ օրինակի պարագայում, կենսուղու թվանշանը 3-ն է։

Այսպիսով, հիմա, երբ Դուք կարող եք հաշվել Ձեր ու Ձեր սիրեցյալի թիվը, Դուք կարող եք ավելի լավ հասկանալ Ձեզ և Ձեր զույգին, ինչպես նաև գտնել երկուսի համար էլ ընդունելի սեքսուալ վարքի մոդել, կամ էլ հակառակը՝ այս թվերի իմացությունը կհուշի Ձեզ դուր եկած ինդիվիդին գրավելու եղանակներ։

«Մեկերն» առանձնանում են վառ արտահայտված ինքնավստահությամբ, ու շատերը շփոթում են այն սեքսուալության հետ, առաավել ևս, որ, որպես կանոն, նման մարդկանց արտաքինը համապատասխանում է այդ իմիջին. վայրի գազանի գրացիա, գերող հայացք, ակնառու դիմագծեր ու երկրորդական սեռական նշաններ։ Սակայն անմիջականորեն անկողնում նրանք հաճախ էգոիստ են լինում, պահանջում են ուշադրություն իրենց հանդեպ ու ոչնչով չեն փոխհատուցում։ Ընդ որում, այս թվի ներկայացուցիչները իրենք են գերադասում նախաձեռնողականություն դրսևորել ու չեն հանդուրժում, երբ իրենց հուշում են սեքսի մասին ու առավել ևս՝ բացահայտ կերպով ակնկալում են սեքս իրենց հետ։ Նրանց համար սեքսն ընդամենը ևս մի հնարավորություն է՝ դրսևորելու իրենց իշխանությունը շրջապատողների վրա, ուստի այս թվի ներկայացուցիչ կանայք գերադասում են «հեծյալի» դիրքը, իսկ տղամարդիկ իրենց պահում են փադիշահերի պես։

«Երկուսների» համար կարևորը հոգիների միասնականությունը, հետաքրքրությունների ընդհանրությունն ու հոգեբանական հարմարվետությունն են։ Եթե այս ամենը չկա, ապա նրանց սեքսուալությունն անցնում է ստվերի տակ, իսկ եթե կան, ապա նրանք ունակ են անկողնում իսկական հրավարություն կազմակերպել։ Սակայն այս թվի ներկայացուցիչների սեքսուալությունը ակնառու չէ։ Որպեսզի հասկանաք, թե ինչպես նրանք կդրսևորեն իրենց՝ ինտիմ մտերմության ժամանակ, պետք է հիմնվեք բացառապես սեփական փորձի վրա։ Այնուամենայիվ, որպես կանոն, նրանք նուրբ են, զգայուն են զուգընկերոջ ցանկացած պահանջմունքի հանդեպ ու պաշտում են նախնական քնքշանքները։ Քանի որ նրանց մեծ մասը կինէսթետիկ են, նրանք անպայմանորեն ունենում են սերտ տակտիլ կոնտակտի կարիք։ Ամենից հաճախ, այսպիսի մարդիկ նախապատվություն են տալիս այնպիսի զուգընկերների, որոնք իսպառ զուրկ են մարմնի մազածածկույթից։

«Երեքներն» անկաշկանդ են ու սիրում են սեքսուալ էքսպերիմենտներ։ Նրանք հաճախ են փոխում զուգընկերների, որովհետև նրանք անընդհատ ինչ-որ նոր բան են ուզում։ Ընդ որում, նրանք երկրպագուների ու երկրպագուհիների պակաս չեն ունենում։ Նրանք ունեն ձգողականություն, կարողանում են գեղեցիկ խոսել՝ անգամ սեքսի ժամանակ ինչ-որ նոր բան առաջարկելիս, ուստի նրանց շատ բան է ներվում, այդ թվում նաև դավաճանություն։ Սակայն հաճախ էլ այս թվի ներկայացուցիչները դառնում են իրենց սեքսուալության գերին, որովհետև ի զոր չեն հարատև և լուրջ հարաբերություններ կառուցել։ Այդ իսկ պատճառով նրանք, ովքեր ուզում են նման մարդկանց կողքին լինեն, պետք է համակերպվեն նրանց սեքսուալ թեթևսոլիկության հետ։ Այս թվի ներկայացուցիչ կանաք թեթևամիտ ու ամպոտ են, իսկ տղամարդիկ հազվադեպ են ամուսնանում, կամ էլ ամուսնանալուց՝ մի քանի անգամ են ամուսնանում։

«Չորսերի» պարագայում սեքսուալությունը միշտ բարդ բան է։ Նրանց համար միշտ առաջնայինը աշխատանքն է, իսկ երկրորդում՝ սեքսի մասին ունեցած իրենց հնամենի պատկերացումները։ Նրանք համարում են, որ սեքսը զուտ սերունդը շարունակելու միջոց է։ Սակայն, եթե պատանեկության տարիներին նրանց ըմբոստությունը հաղթահարում է արգելանքներն ու կարծրատիպերը, այս թվի ներկայացուցիչները կարող են «ձեռքից գնալ» ու փորձել ոչ միայն ինտիմ հարաբերություններում ամեն հնարավոր բան, այլև բոլոր հնարավոր զուգընկերներին։ Ընդ որում, եթե այդքանով հանդերձ, նրանք գոնե մեկ անգամ հիասթափություն ապրեն, ապա կվերադառնան այն սկզբունքներին, որոնք ձևավորվել էին նրանց մոտ՝ հարազատների ազդեցության ներքո։ Այսինքն, նրանք նորից դառնում են պահպանողական ու խիստ չափավորում են սեքսը։ Որպես կանոն, այս թվի ներկայացուցիչները սեքսուալ արտաքին գրավչություն չեն ունենում։ Բացի դրանից, նրանք այդքան էլ հմուտ չեն լինում անկողնում։

Շարունակելի…