Doctors.am-ը գրում է․
Սովորական ջրի միայն մեկ բաժակն էլ բավարար է ուղեղի աշխատանքն ակտիվացնելու համար:
Գիտնականներն անցկացրել են փորձ և՛ կանանց, և՛ տղամարդկանց մասնակցությամբ: Նրանց խնդրել են երկու անգամ IQ թեստ հանձնել: Առաջին անգամ անմիջապես նախաճաշից հետո, որը կազմված էր խտացված հացահատիկից, իսկ երկրորդ անգամ՝ նույնպես նախաճաշից հետո, որին ավելացված էր նաև մեկ բաժակ ջուր:
Նրանք, ովքեր ծարավ էին, ավելի վատ էին հաղթահարել առաջադրանքը:
Հավելյալ հաշվարկները պարզեցին, որ մեկ բաժակ ջուրն արագացնում է ուղեղի աշխատանքը 14%-ով:
Նախկինում նույն գիտնականներն ապացուցել էին, որ ջուրը էներգիայի լավագույն աղբյուրն է մարդու համար: Դպրոցականները, ովքեր քննությունից առաջ մի բաժակ ջուր էին խմել, 10%-ով ավելի հաջող էին հանձնել քննությունը՝ ի տարբերություն մյուսների:
