Doctors.am-ը գրում է․

Եթե ձեր գլուխը ցավում է, հնարավոր է, որ դրա մեղավորը սննդակարգի փոփոխությունն է: Գիտնականների հաշվարկներով` գլխացավերի դեպքերի 30%-ը կապված է ժառանգականության հետ: Սակայն գլխացավի առաջացման պատճառ կարող են դառնալ նաև հորմոնալ փոփոխությունները, սթրեսը, քնի ռեժիմը, ընկճախտը կամ սննդակարգը:

Ավելի հաճախ գլխացավերը սկսվում են այն ժամանակ, երբ մարդ կտրուկ անցնում է ցածր կալորիականությամբ սննդի: Մասնավորապես, դա վերաբերվում է այն դիետաներին, որոնք ենթադրում են ածխաջրերի բացառում սննդակարգից: Մինչդեռ ուղեղն օգտագործում է ածխաջրերը որպես "վառելանյութ":

Բացի այդ, գլխացավը կարող է առաջանալ ջրի ոչ բավականաչափ օգտագործման, ինչպես նաև այն պատճառով, որ ուտելու ժամերի միջև ընկած հատվածը մեծ է:

Գիտնականներն ապացուցել են, որ թիրամին ամինաթթուն նպաստում է գլխացավի առաջացմանը` նվազեցնելով սերոտոնինի մակարդակը: Հետևաբար, թիրամին պարունակող մթերքները նույնպես կարող են գլխացավի առաջացման պատճառ դառնալ: Դրանց թվին են պատկանում կարմիր գինին, այլ ալկոհոլային խմիչքները, պանիրը, շոկոլադն ու մի շարք մսամթերքներ: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել