Newmag.am-ը գրում է․
Ատլանտիդա
Այս առասպելական կղզի-քաղաք-պետությունը գոյութուն է ունեցել հազարավոր տարիներ առաջ և անսպասելի անհետացել է: Ատլանտիդան փնտրում են Հունաստանի ափերից մինչև Ջիբրալթար, այնտեղից էլ մինչև Կարիբյան ծով: Ատլանտիդայի մասին տեղեկությունները հաղորդել է Պլատոնը:
Դվին
Հայաստանի մայրաքաղաքներից մեկն է: Հիմնադրվել է 4-րդ դարում Արարատյան դաշտում: Հիմնադիրը Խոսրով 2-րդ Կոտակն է: Դվինի հիմնադրումից հետո մայրաքաղաքը Արտաշատից տեղափոխվել է այստեղ: 13-րդ դարի առաջին կեսին ավերվել է մոնղոլների և սելջուկների արշավանքների հետևանքով:
Բիբլոս
Փյունիկյան հռչակավոր քաղաքը համարվում է փյունիկեցիների հիմնադրած առաջին խոշոր բնակավայրը: Այն բնակեցված է եղել դեռևս Ք. ա. 4-րդ հազարամյակում: 12-րդ դարում այն գրավել են խաչակիրները: Անտիկ Բիբլոսի ավերակները հայտնաբերվել են 19-րդ դարի վերջին:
Հաշիմա, Ճապոնիա
Հաշիման կղզի-քաղաք է, որը բնակեցված է եղել 1887-1974 թվականներին: Բնակավայրը հիմնադրվել է կղզում ածխի արդյունահանման նպատակով: Ժամանակի ընթացքում Ճապոնիայում անկում է ապրել ածխի արդյունահանումը, և քաղաքը լքվել է: Հիմա այն ուրվական-քաղաքի համբավ ունի և մեծ հետաքրքրություն է վայելում զբոսաշրջիկների շրջանում:
Կոլմանսկոպ, Նամիբիա
Նամիբիայում գտնվող այս քաղաքը հիմնադրվել է 1908 թվականին Նամիբ անապատում: 20-րդ դարի սկզբին ադամանդի տենդի պատճառով մարդիկ սկսել են բուռն կերպով բնակեցնել անապատը: Կոլմանսկոպում կառուցվել են դպրոցներ, հիվանդանոց, նույնիսկ խաղատուն: Առաջին աշխարհամարտից հետո ադամանդի տենդը ավարտվում է, և քաղաքն աստիճանաբար լքվում է: Կոլմանսկոպը կիսով չափ թաղված է Նամիբի ավազներում:
Պրիպյատ, Ուկրաինա
Այս քաղաքը հիմնադրվել է խորհրդային շրջանում և եղել է Չեռնոբիլի ԱԷԿ-ի աշխատակիցների բնակավայրը: Մինչև 1986 թվականի աղետը ունեցել է 50000 բնակչություն: Միջուկային աղետից հետո բոլոր բնակիչները լքել են քաղաքը: Ժամանակի ընթացքում ուրվական-քաղաքը թալանվել է: Տարել են նույնիսկ զուգարանակոնքերը:
Ամբողջական հոդվածը կարող եք կարդալ այստեղ