Թաթա Սիմոնյանի՝ Ստամբուլում կայանալիք համերգի մասին ArmStar.am-ն օրեր առաջ տեղեկացրել էր ընթերցողներին: Հանրահայտ «Zorlu» կենտրոնում նոյեմբերի 15-ին և 17-ին տեղի են ունեցել ՀՀ վաստակավոր արտիստի մենահամերգները:
Իսկ այսօր համացանցում հայտնվեցին համերգի որոշ պահերի վրա կենտրոնացած հրապարակումներ: Կայացած համերգի նկատմամբ մամուլի ցուցաբերած հետաքրքրության առթիվ կապ հաստատեցինք պրոդյուսեր Գրիգոր Նազարյանի հետ, ում խնդրեցինք մեկնաբանել տարածված հայտարարությունները:
Գրիգորը չցանկացավ մեկնաբանել հոդվածների բովանդակությունը՝ նշելով. «Չեմ ցանկանում այդ նյութերին վերաբերող որևէ բան ասել, պարզապես թող յուրաքանչյուրն իր հերթին ձգտի Թաթայի չափ աշխարհով մեկ հայրենասիրություն սփռել: Իսկ հատուկ մեր օրերի «ինկվիզիտորներին» կցանկանայի հիշեցնել, որ համերգներն իրականացվել են Ստամբուլում հայկական վարժարանի հիմնադրման 100-ամյակի կապակցությամբ, ու կազմակերպիչները հասույթը փոխանցել են վարժարանին»:
Իսկ թե էլ ինչ է ասել Թաթան Ստամբուլի համերգի ընթացքում, առաջարկում ենք իմանալ՝ դիտելով համերգին ներկա հանդիսատեսի կողմից ArmStar.am-ին տրամադրված տեսանյութը:
