Life.panorama.am-ը գրում է․
Երգիչ Գուրգեն Դաբաղյանը տևական ժամանակ էր, Հայաստանում չէր, ինչով էլ պայմանավորված էր նրա պասիվությունը երգարվեստում: Նա վերջերս է վերադարձել համերգային շրջագայությունից: « Մեկ ամսից մի քիչ ավել էր, հրավերներով Ռուսաստանում էինք: 18 տարբեր քաղաքներում համերգներ ունեցանք: Մինչ այդ Եվրոպայում էինք: Եվս մի քանի հրավերներ ունենք և Եվրոպայից, և ՌԴ-ից»:
Life.panorama.am-ը երգչից հետաքրքվել է, թե արդյո՞ք սփյուռքահայերի շրջանում հայ երգն առավել պահանջարկ ունի: Որտե՞ղ են ավելի լավ ընդունում հայաստանցի երգիչներին. «Որտեղ հայեր կան ու մի քիչ էլ կազմակերպված համայնք, հրավերներ ենք ունենում: Իհարկե, հրավերները սիրով եմ ընդունում: Իրենք էլ մեզ են լավ ընդունում»:
Գուրգեն Դաբաղյանը դեռևս չի մտածում հերթական մենահամերգի մասին: Չնայած երիտասարդ տարիքին՝ հասցրել է միայն Երևանում 7 մենահամերգ ունենալ: Ցանկանում է, որ հաջորդը աննախադեպ լինի, օրիգինալ ու հետաքրքիր: Սակայն դրա համար անհրաժեշտ են մեծ հնարավորություններ…
Ամբողջական հոդվածը կարող եք կարդալ այստեղ
