-
Առողջությունը պահպանելու միակ ձևն է ուտել այն, ինչ չես ուզում, խմել այն, ինչ չես սիրում և անել այն, ինչ սրտովդ չէ։
-
Լավ ընկերներ, լավ գրքեր ու քնած խիղճ. ահա կատարյալ կյանքը։
-
Չի կարելի հույսը դնել աչքերի վրա, եթե երևակայությունը ֆոկուսից ընկած է։
-
Հոռետեսությունը սոսկ մի բառ է, որը նյարդերից թույլ մարդիկ իմաստություն են անվանում։
-
Երջանիկ լինելու համար պետք է սեփական դրախտում ապրել։ Մի՞թե կարծում էիք, որ միևնույն դրախտը կարող է գոհացնել բոլորին։
-
Հենց որ երդվում ես, որ ինչ-որ բան չես անի, ակամայից մոտդ հենց այդ բանն անելու ցանկություն է առաջանում։
-
Ամառը տարվա այն եղանակն է, երբ չափազանց շոգ է, որպեսզի զբաղվես այն գործերով, որոնցով զբաղվելու համար ձմռանը չափազանց ցուրտ էր։
-
Նա, ով վատ գրքեր է ընթերցում, ոչ մի առավելություն չունի նրա հանդեպ, ով բնավ չի կարողանում ընթերցել։
-
Հիմարություն անելու իրավունքն անձի ազատ զարգացման երաշխիքներից է։
-
Վատագույն մենությունն այն է, երբ մարդ ինքն իր հետ անհարմար է զգում իրեն։
-
Կյանքում գոնե մեկ անգամ բախտը թակում է յուրաքանչյուրի դուռը, սակայն որոշ մարդիկ այդ պահին նստած են լինում մոտակա գարեջրատանը ու ոչ մի թակոց էլ չեն լսում։
-
Հիսուն տարեկանում մարդ կարող է լինել ավանակ՝ առանց լավատես լինելու, սակայն արդեն չի կարող լավատես լինել՝ առանց ավանակ լինելու։
-
Մեզ դուր են գալիս մարդիկ, ովքեր համարձակորեն ասում են մեզ իրենց մտածածը, սակայն միայն այն դեպքում, եթե նրանք մեզ պես են մտածում։
-
Երբեմն մարդուն մոլորության մեջ գցելու ամենաարդյունավետ եղանակը նրան ճշմարտությունն ասելն է։
-
Երբ իմ ու կնոջս տեսակետները չեն համընկնում, մենք սովորաբար վարվում ենք այնպես, ինչպես նա է ցանկանում։ Կինս դա կոմպրոմիս է անվանում։
-
Ծխելը թողնելը հեշտ է։ Ես ինքս էլ մի հարյուր անգամ թողել եմ։
-
Ես երբեք թույլ չեմ տվել դպրոցին միջամտել իմ կրթությանը։
-
Ավելի լավ է լռել ու հիմարի տպավորություն թողնել, քան խոսել ու ցրել բոլոր կասկածները։
-
Եթե նկատել եք, որ մեծամասնության կողմից եք, սա վկայում է այն մասին, որ ժամանակն է փոխել ինքներդ Ձեզ։
-
Վաղվան մի՛ հետաձգեք այն, ինչ կարելի է հետաձգել վաղը չէ մյուս օրվան։
-
Ճշմարտությունը պետք է այնպես մատուցել, ինչպես վերարկուն, այլ ոչ թե նետել դեմքին թաց սրբիչի պես։
-
Երբեք մի՛ վիճեք հիմարների հետ։ Հակառակ դեպքում Դուք կիջնեք նրանց մակարդակին, որտեղ նրանք կտապալեն Ձեզ իրենց փորձով։
-
Ճշմարտությունն ամենաթանկ բանն է, որ մենք ունենք, ուստի եկե՛ք խնայողաբար վարվենք նրա հետ։
-
Եկե՛ք այնպես ապրենք, որպեսզի անգամ դագաղագործը սգա, երբ մենք մահանանք։
-
Հանպատրաստից ելույթ նախապատրաստելու համար առնվազն երեք շաբաթ է հարկավոր։
