Panorama.am-ը գրում է․
Կանադայի խորհրդարանում Սքարբորո-Ահինքորթ շրջանից ներկայացուցիչ Արնոլդ Չանը հանդես է եկել հայտարարությամբ, որտեղ անհանգստություն է հայտնել նոյեմբերի 12-ին ադրբեջանական կողմից խոցված ԼՂՀ ՌՕՈՒ ուղղաթիռի միջադեպի առնչությամբ: Հայտարարությունը հրապարակված է Չանի պաշտոնական կայքում:
«Ես կցանկանայի արտահայտել իմ լուրջ մտահոգությունն ադրբեջանական ուժերի կողմից խոցված հայկական ուղղաթիռի առնչությամբ: Կանադայի Լիբերալ կուսակցության անունից ցանկանում եմ ցավակցություն հայտնել հայկական անձնակազմի երեք անդամների հարազատներին: Ես լրջորեն անհանգստացած եմ, որ այս միջադեպը կարող է սրել երկու երկրների միջև առկա լարվածությունը: Մենք դատապարտում ենք անզեն ուղղաթիռի խոցումը և կողմերին կոչ անում հանդարտվել ու աջակցել ԵԱՀԿ Մինսկի խմբի շրջանակներում խնդրի խաղաղ լուծման գործընթացին»,- հայտարարել է նա:
Նա նաև նշել է, որ բանակցությունների ուղիով բազմամյա հակամարտության լուծումը դեպի խաղաղություն ու անվտանգություն լավագույն ուղին է:
Ամբողջական հոդվածը կարող եք կարդալ այստեղ
