Կյանքի մասին
- Պարզապես ապրել մինչև մահդ արդեն իսկ բարդագույն աշխատանք է։
- Ես չեմ հավատում, որ հնարավոր է աշխարհը փոխել դեպի լավը։ Ես հավատում եմ, որ հնարավոր է փորձել ավելի վատը չդարձնել այն։
- Երբ հարբած ես, աշխարհը առաջվա պես մոտակայքում է, սակայն այն գոնե բկիցդ բռնած չի պահում քեզ։
- Աշխարհը փրկելու համար պետք է մեկ առ մեկ փրկել մարդկանց, բոլորին միանգամից փրկելը ռոմանտիզմ է կամ էլ քաղաքականություն։
- Ստիպված ես մի քանի անգամ մեռնել, մինչև որ կկարողանաս լիարժեք կյանքով ապրել:
- Ոչ թե մահն է վտանգավոր, այլ այն կյանքը, որ մարդիկ ապրում են կամ չեն ապրում մահից առաջ:
Կանանց մասին
- Բոլոր կանայք տարբեր են։ Հիմնականում թվում է, թե նրանք ամենալավի ու ամենավատի համադրությունն են։ Նրանց մեջ կա և՛ մոգական, և՛ սարսափելի ինչ-որ բան։ Ի դեպ, ես ուրախ եմ, որ նրանք կան։
- Ինչպե՞ս կարելի է վստահել մի էակի, ով ամեն ամիս արնահոսում է ու չի մահանում։
Մարդկանց մասին
- Գրողներն անհույս մարդիկ են, իսկ երբ նրանց մոտ հույս է հայտնվում, նրանք դադարում են գրող լինել։
- Որոշ մարդիկ խենթանալ չգիտեն. նրանց կյանքն ահավոր տաղտկալի է։
- Անշուշտ, մարդուն կարելի է սիրել, եթե շատ մոտիկից չես ճանաչում նրան։
- Ներուժը գրոշի արժեք չունի։ Պետք է գործել։ Գրեթե ցանկացած երեխա ավելի շատ ներուժ ունի, քան ես։
- Եթե քեզ հաջողվել է խաբել մարդուն, դա չի նշանակում, որ նա հիմար է։ Դա նշանակում է, որ քեզ ավելի շատ են վստահել, քան դու արժանի ես։
Իր մասին
- Մենությունն ուժեղացնում է ինձ. Առանց դրա ես ասես առանց հացի ու ջրի լինեմ։ Առանց դրա անցկացված յուրաքանչյուր օրն ուժասպառ է անում ինձ։ Ես չեմ հպարտանում իմ մենությամբ, սակայն ես կախված եմ նրանից։ Ես չափազանց լավ գիտեմ սեփական թերություններս, որպեսզի փոխադարձ սեր պահանջեմ։
- Ես ամուսնացած եմ, սակայն առանց կնոջ։ Իմ կինը իմ սեփական կյանքն է։
- Ես երբևէ չեմ ցանկացել այլ մարդ լինել: Ես պարզապես չեմ հանդիպել այնպիսի մարդու, ով ինձ մոտ նման ցանկություն կառաջացներ:
- Ես պահում եմ մահվանը իմ ձախ գրպանում: Երբեմն ես հանում եմ այն գրպանիցս և զրուցում նրա հետ. «Բարև, ի՞նչ կա-չկա: Ե՞րբ ես գալու հետևիցս: Ես դրան պատրաստ կլինեմ»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
