Շուտով Sharm -ի նոր կատակերգությունը կլինի մեծ էկրաններին: Գլխավոր դերերում՝ Hovhannes Azoyan, Misho, Shorena, Lili, Ani, Khoren Levonyan: Ռեժիսոր՝ David Babakhanyan, գլխավոր պրոդյուսեր՝ Ruben Jaghinyan:
Կինոնկարը սուր ու լարված սյուժեով, զվարճալի կատակերգություն է, որտեղ կան սիրային խճճված պատմություններ` ճակատագրական գեղեցկուհիների մասնակցությամբ, մեքենաների առևանգում և հետապնդման տեսարաններ, պոկերի գրավիչ ու դրամատիկ մրցապայքար… և այս ամենի վերջում` հաղթանակ:
Ֆիլմի գլխավոր հերոսը` Հովոն, աշխատում է քաղաքի հայտնի ռեստորաններից մեկում` որպես մենեջեր-մատուցող: Նա պատրաստվում է իր ընկերուհի Լիլիի ծննդյան օրը կայանալիք հավաքույթի ժամանակ առաջարկություն անել սիրեցյալին: Այդ առիթով Հովոն արդեն ձեռք է բերել մատանին և նոր փողկապ` էլեկտրիկ-կապույտ գույնի: Հարսնացուի տուն գնալուց առաջ Հովոն որոշում է մտնել ավտոսրահ և իր հետ տանել նաև ընկերոջը`Միշոյին: Սակայն ամեն ինչ այլ ընթացք է ստանում և գլխավոր հերոսը հայտնվում է նախ` զավեշտալի, իսկ հետո` արդեն վտանգավոր իրավիճակներում: Վրա հասած անախորժությունները լուծելու համար նա ստիպված է լինում է՛լ ավելի խենթ քայլեր ձեռնարկել: Նրա համարձակությունը զարմացնում է ընկերոջը, զայրացնում հարսնացուին և խուճապի մատնում կազմակերպված հանցախմբին…
Ի վերջո, դրամատիկ մրցամարտում դժվարությամբ տարած հաղթանակը կտրում է այս խճճված հանգույցը, և ամեն բան իր տեղն է ընկնում:
