Cosmo.am-ը գրում է․
Ժամադրվելը բարձր լարման ներկայացում է, կարողանում ես արդյոք ստեղծել հասանելի լինելու և գաղտնիության իդեալական համադրումը, ինչը այդքան գրավիչ է դարձնում: Ստուգիր...
1. Երբ հոյակապ անցկացրած` առաջին ժամադրությունից հետո SMS ես ստանում նրանից, սովորաբար`
Ա. զանգում ես, որ ասես` քեզ էլ շատ դուր եկավ ժամադրությունը, և շնորհակալություն հայտնես
Բ. մի օր սպասում ես, նախքան SMS ուղարկելը: Վաղը նա ավելի շատ կուզենա քեզ հետ խոսել:
Գ. պատասխանում ես նույն օրը, ավելի ուշ` հիշատակելով որևէ հետաքրքիր պահ ձեր հանդիպումից
2. Արդեն երեք անգամ հանդիպել եք, բայց դու դեռ վստահ չես` ուզո՞ւմ ես ֆիզիկական հարաբերությունների անցնել, թե ոչ: Եթե նա այդ ուղղությամբ քայլ է անում, դու `
Ա. ասում ես, որ պետք չի շտապել, քանի որ արդեն իսկ լավ ժամանակ եք անցկացնում միասին
Բ. ասում ես` քեզ շատ եմ հավանում, բայց մի քիչ առաջ ես ընկնում
Գ. ինքդ քեզ մտածում ես. «կորցնելու բան չունեմ» ու գիրկն ընկնում: Համ էլ ձեռքի հետ պարզում ես, որքանով եք համատեղելի
3. Դու երկու տղայի հետ ես հանդիպում և ուզում ես նրանցից գոնե մեկի հետ մի քայլ առաջ գնալ: Նրան ասում ես`
Ա. չէ, ոչինչ էլ չես ասում: Տարբերակներդ բաց ես պահում, մինչև չհամոզվես, որ ուզում ես նրանցից մեկի հետ լինել
Բ. մտածում ես. «Կարծում եմ ժամանակն է ուրիշ մարդկանց հետ հանդիպել, քեզանից խեր չկա... թե՞ սենց էլ շարունակենք»
Գ. «Ես կարծես թե քո նկատմամբ զգացմունքներ ունեմ: Ժամանակն է մի քիչ լրջացնել հարաբերությունները»
4. Այդ տղամարդու առջև առաջին անգամ մերկանալիս դու`
Ա. քո իմացած ամենալավ հնարն ես գործադրում, որ նա ավելին ուզենա
Բ. հիմնական, բայց զվարճալի բաներով ես զբաղվում: Թող մի քանի հնար դեռ գաղտնի մնան
Գ. պառկում ես, թուլանում ես ու հնարավորություն տալիս տալիս նրան, որ քեզ տպավորի
5. Եթե առաջին ժամադրության ընթացքում նա ինչ-որ անձնական հարց է տալիս, դու`
Ա. Ցրում ես հարցը` ակնհայտ հնարովի պատասխանով և փոխում` թեման
Բ. Շատ ընդհանուր պատասխաններ ես տալիս` հնարավորինս կոծկելով մանրամասները
Գ. Ճիշտն ես ասում, միևնույն է վաղ թե ուշ կիմանա, ինչո՞ւ ձգձգել
Միավորներ
1. Ա-2, Բ-0, Գ-1;
2. Ա-1, Բ-0, Գ-2;
3. Ա-0, Բ-1, Գ-2;
4. Ա-2, Բ-1, Գ-0;
5. Ա-0, Բ-1, Գ-2
10-ից 7 միավոր - Հեշտ հասանելի
Քեզ արժանի տղաները էքսկլյուզիվ ակումբի անդամներ են: Սակայն դու նրանց արագորեն ներս ես թողնում` շրջանցելով հերթն ու անվտանգության աշխատողներին, նախքան նրանք ապացուցում են իրենց VIP կարգավիճակը:
«Եթե դու սեքսուալ և էմոցիանալ առումով բաց գիրք ես, տղամարդիկ պարզապես մտածում են, որ արժանի չես, որ քեզ սիրահետեն», - ասում է դոկտոր Ջոն Վալենտիսը` «Ռոմանտիկ բանականություն» գրքի հեղինակը:
Եթե ցանկանում ես, ինքդ քեզ հարց տուր. «արդյո՞ք ինձ լավ կզգամ, եթե նա ինձ այսքան ինտիմ ճանաչի ու մենք հանկարծ բաժանվենք»:
Եթե պատասխանդ բացասական է, ուրեմն «գայթակղիր նրան` գողտրիկ ու առեղծվածային մնալով նրա համար», - ասում է Լոս Անջելեսից` ժամադրությունների ուսուցանող Դեվիդ Վայգանթը:
4-ից 6 միավոր - Իդեալական սադրիչ
Ժամադրվելը բարձր լարման ներկայացում է, և դու ես ստեղծում հասանելի լինելու և գաղտնիության իդեալական համադրումը, ինչը քեզ այդքան գրավիչ է դարձնում:
«Քո բացահայտ հմայքը գրավիչ է», - ասում է Վայգանթը` «միաժամանակ դու ստիպում ես տղամարդկանց` ավելի շատ ջանքեր գործադրել քեզ արժանանալու համար»:
Վայգանթը խորհուրդ է տալիս պահպանել այդ ընկերական լարվածությունը: «Քանի դեռ ձեր հարաբերությունները չեն լրջացել, աշխատիր շատ ինտիմ տեղեկություններ չտրամադրել, իսկ սեքսուալ հնարները պահպանիր որպես մրցանակ, շատ ջանքեր գործադրած տղամարդու համար»:
0-ից 3 միավոր - Անհասանելի դիվա
Քո համար ժամադրվելը խաղ է, ու դու կանոններից չես շեղվում: Բայց պարտվողը դու ես: «Քո փակված լինելը տղամարդկանց ստիպում է մտածել, որ կամ դու իրենց չես հավանում, կամ ինչ որ բան ես թաքցնում», - ասում է Վայգանթը:
Փոխարենը` նրան կարելի գայթակղել ընդառաջելով: «Կարելի է հարմար պահի նրան նամակ գրել Facebook-ում», ասում է Վալենտիսը ` «կամ մի ընդհանուր հետաքրքրություն գտեք», օրինակ` միասին բարձրացեք Արագած:
Նա բարձր կգնահատի քո` համատեղ ապագայի այդ ակնթարթը...և կուզենա դրա մասը դառնալ:
