Մահացել է սիրված դերասանուհի Հասմիկ Ղարիբյանը` Կարգին Հասոն

 Asekose.am-ը գրում է.

ԱՄՆ-ում մահացել է դերասանուհի Հասմիկ Ղարիբյանը:

Asekose.am-ը գրել էր սիրված դերասանուհու առողջական խնդիրների մասին` մեջբերելով  կյանքով ու հումորով լեցուն դերասանուհու հուսադրող խոսքերը` «Ընդամենը սուր թոքաբորբ ունեի, բայց հիմա արդեն լավ եմ: Շնորհակալություն»: Ընկերներն ու պարզապես ` Հասմիկին ճանաչողնեն ու սիրողները` ցավակցական խոսքեր են գրում դերասանուհու ֆեյսբուքյան էջում` ցավալով անդառնալի կորստի համար:

Հասմիկն ընդամենը 34 տարեկան էր. 2012 թվականին մեկնել էր Միացյալ Նահանգներ, որտեղ էլ մեկ տարի անց ամուսնացել էր երգեհոնահար Լևոն Աբրահամյանի որդու՝ Ներսեսի հետ:

 Սիրված դերասանուհին իր  ուժերը փորձել է նաև երգարվեստում՝  և ձայնագրել է շատերի դրական գնահատակին արժանացած «Կարգին սեր», «Սերը մեր» տեսահոլովակները:

Asekose.am-ը  ցավակցում է Հասմիկի ընտանիքին,  հարազատներին ու ընկերներին:

Ըստ Ես Եմ!-ի տվյալների, Հասմիկ Ղարիբյանի մահվան պատճառը հանդիսացել է ուռուցքային անբուժելի հիվանդությունը։