454-292-Michael_Jordan31in.am-ը գրում է․

Հայտնի բասկետբոլիստ Մայքլ Ջորդանը ԱՄՆ նախագահ Բարաք Օբամային անվանել է ապաշնորհ։ Այդպես է Բասկետբոլի ազգային ասոցիացիայի վեցակի չեմպիոնը գնահատել քաղաքական գործչի հմտությունները գոլֆում, հաղորդում է CBS Sports-ը։

«Երբեք Օբամայի հետ գոլֆ չեմ խաղացել, բայց չէի հրաժարվի։ Ես հեշտությամբ կհաղթեմ նրան, նա ապաշնորհ է, հարկ կլինի նրա հետ ամբողջ օրը դես ու դեն ընկնել»,- հայտարարել է Ջորդանը։

Միաժամանակ, բասկետբոլիստը Օբամային չի քննադատել որպես քաղաքական գործիչ։ «Մի անհանգստացեք, ես երբևէ չեմ ասել, թե Օբաման մեծ քաղաքական գործիչ չէ։ Ես միայն ասել եմ, որ նա անպետք գոլֆիստ է»,- ընդգծել է նա։

Սպիտակ տան ղեկավարն աչքի է ընկնում գոլֆի նկատմամբ սիրով. այսպես, իր 51-րդ ծննդյան օրը Օբաման նշել է հատկապես այդ խաղով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել