«Մեկ օր առանց թղթի» սիմվոլիկ ակցիայի նպատակն է հասարակության ուշադրությունը սևեռել այն փաստի վրա, որ թուղթը ստեղծվում է հատելով ծառերը, որը մեր շրջակա միջավայրի վրա աղետալի հետևանքներ է թողնում: Այս ակցիան նպատակ է հետապնդում տեղեկացնել բոլորին, որ անիմաստ օգտագործած յուրաքանչյուր թղթի կտորը մաս է հանդիսանում այն ծառի, որը կտրվել կամ կտրվելու է մեր անբարեխիղճ վերաբերմունքի պատճառով: Այս ակցիան ոչ միայն բնությանն է օգտակար, այլ նաև բիզնեսին: Եթե ոչ կարևոր փաստաթղթերը տպենք A4 ֆորմատի թղթի ոչ թե մեկ, այլ երկու երեսներին, թղթի ծախսը կրկնակի կնվազի, որի հետևանքով նաև հատվող ծառերի քանակը: Եթե տպենք ոչ թե, ասենք, 12, այլ 11 տառաչափով, ապա այս դեպքում նույնպես զգալի կնվազի թղթի ծախսը իր բոլոր դրական հետևանքներով:
Խնայենք թուղթը... այն մեր թթվածնի հաշվին է ստեղծվում:
