hospital1in.am-ը գրում է.

Սերբիայում մեկուսացվել է 708 մարդ՝ կապված Էբոլա տենդի վիրուսի տարածման սպառնալիքի հետ: Այս մասին ասվում է երկրի առողջապահության նախարարության կայքում՝ փոխանցում է Rosbalt-ը:

«Վիրուսի տարածումը կանխելու միջոցառումների շրջանակում բժշկական հսկողության տակ են առնվել 708 անձինք, որոնցից 92-ը ժամանել են շրջաններից, որոնց սպառնում է Էբոլա տենդը»,- ասվում է հաղորդագրությունում:

Նշվում է նաև, որ առողջապահության նախարարությունը մտադիր է ընդունել բոլոր անհրաժեշտ միջոցառումները՝ ապահովելու համաճարակից երկրի պաշտպանությունը:

Էբոլայի զոհերի թիվը հասել է 3879-ի, վարակման դեպքերը՝ 8033-ի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել