1in.am-ը գրում է․
Լոնդոնի «Չելսի»-ի գլխավոր մարզիչ Ժոզե Մոուրինյոն գովեստի խոսքեր է հասցերագրել թիմի կիսապաշտպան Սեսկ Ֆաբրեգասին , ով, պորտուգալացի մասնագետի կարծիքով, լոնդոնյան ակումբի հիմնական խաղացողներից մեկն է:
«Չեմ ուզում ասել, թե Ֆաբրեգասը ծնվել է «Արսենալ»-ում, բայց իսկական ֆուտբոլիստ նա հենց այնտեղ է դարձել: Կարծում եմ` կարևոր չէ, թե որ ակումբում նա կարող էր լինել: Կարևորն այն է, որ այժմ նա «Չելսի»-ի ֆուտբոլիստ է և իրեն հիանալի է դրսևորում թիմում:
Յուրաքանչյուր խաղում Սեսկն իր վրա է վերցնում պատասխանատվությունը, ինչն ազդում է ամբողջ թիմի վրա: Նա գերազանց է խաղում, և մենք հիանալի արդյունքների ենք հասնում»,- Daily Mail-ը մեջբերում է Մոուրինյոյի խոսքերը:
Հիշեցնենք` Անգլիայի Պրեմիեր Լիգայի 7-րդ տուրի շրջանակներում «Չելսի»-ն հոկտեմբերի 5-ին սեփական հարկի տակ կընդունի «Արսենալ»-ին: