1in.am-ը գրում է․
Սան Դիեգոյի պետական համալսարանում կատարված նոր ուսումնասիրությունը ցույց է տվել, որ ընկճախտի այնպիսի պսիխոսոմատիկ ախտանիշներ, ինչպիսիք են քնի հետ կապված խնդիրներն ու ուշադրության կենտրոնացումը, մեր ժամանակներում ավելի հաճախ են հանդիպում, քան 1980-ականներին։ Հետազոտողները վերլուծել են 6.9 միլիոն դեռահասների և չափահաս մարկանց տվյալները։ Նրանք արդյունքները համեմատել են 1980-ական թվականներին ստացված տվյալների հետ, պատմում է Psych Central–ը։
2010-ական թվականներին դեռահասները 38%-ով ավելի հաճախ էին տառապում հիշողության, 74%-ով ավելի հաճախ՝ քնի հետ կապված խնդիրներից և երկու անգամ ավելի հաճախ են դիմել հոգեկան առողջության բնագավառի մասնագետներին։ Հարցված ուսանողները 50%-ով ավելի են իրենց ընկճված զգացել, իսկ մեծահասակներն ավելի հաճախ են բողոքել անհանգիստ քնից, վատ ախորժակից և այն բանից, որ ամեն ինչ անում են չուզենալով. այդ ամենը ընկճախտի դասական աշխանիշներ են։ Չնայած ախտանիշներին՝ շատերը չեն ընդունել ընկճախտի առկայությունը, եթե այդ մասին նրանց ուղղակի հարցրել են։
