1in.am-ը գրում է․
Ջորջ Քլունիի ու Ամալ Ալամուդինի հարսանեկան լուսանկարները վաճառվել են աճուրդում բարեգործական նպատակներով, հայտնում է cosmo.ru-ն:
Հայտնիների էքսքլյուզիվ լուսանկարների վաճառքը հազվադեպ երևույթ չէ: Շատ պարբերականներ պատրաստ են մեծ գումարներ վճարել աստղային երեխաների, նկարահանման հրապարակից գաղտնի կադրերի ու հարսանեկան լուսանկարների համար:
Նորապսակները բացառություն չէին, ու այն պարբերականը, որը կվճարեր ամենաբարձր գինը, կունենար նրանց լուսանկարները տպագրելու իրավունք:
Լուսանկարների վաճառքից գոյացած գումարները Քլունին ուղղել է այն բարեգործական նախագծերին, այդ թվում՝ Satellite Sentinel Project-ին, որոնցում ներգրավված է:
Ամերիկայում լուսանկարները առաջինը հրապարակելու իրավունք է ստացել People ամսագիրը, իսկ Եվրոպայում էքսքլյուզիվը բաժին է հասել Hello! ամսագրին:
