1in.am-ը գրում է․
Եվրոպայի Խորհրդի առջև Վրաստանի կողմից իր պարտավորությունների կատարման մոնիթորինգի հարցերով ԵԽԽՎ զեկուցող Բորիս Սիլևիչը հայտարարել է, որ երկրի նախկին նախագահ Միխեիլ Սաակաշվիլիի նկատմամբ դատական գործընթացը պետք է համապատասխանի մարդու իրավունքների և արդարադատության սկզբունքներին: Այս մասին հայտնում է Ria Novosti-ն:
Վրաստանում Սաակաշվիլիի դեմ հարուցվել է մի քանի քրեական գործ:
«Կարևոր է, որ Վրաստանի նախկին նախագահ Միխեիլ Սաակաշվիլիի հետապնդումն իրականացվի արդարադատության և մարդու իրավունքների պահպանման ամենաբարձր չափանիշներով»,- Ասամբլեայում զեկույցով հանդես գալու ժամանակ ասել է նա:
Սիլևիչը նշել է, որ Վրաստանը կատարել է իր ստանձնած ոչ բոլոր պարտավորությունները՝ Եվրոպայի Խորհրդին անդամակցելու համար: Սակայն ընդհանուր առմամբ դրական է գնահատել երկրում վերջերս կատարված փոփոխությունները:
